老竇疑似開始有老人癡呆
香港浸會大學
我老竇今年六十頭，疫情初期失咗業，所以順勢就退埋休
以前佢係個好健談嘅人，好多朋友，又咩都識少少咁，但係就幾大男人，不過家庭關係唔算好差
自從佢退咗休之後就成日喺屋企無所事事，就算喺屋企都好又唔幫我阿媽做家務，所以近呢幾年嘅家庭關係好差，幾乎每日都同阿媽嘈交
呢半年佢開始出現疑似老人痴呆嘅症狀，例如：
1. 不斷重複同一句說話十幾廿次
2. 變得好硬頸，15分鐘前提咗佢嘅嘢，佢可以即刻唔記得，又例如佢會將個電視較到勁大聲，幫佢較細聲啲佢轉過頭又較返大聲
3. 脾氣好暴躁，例如我阿媽只係問吓或者提吓佢嘢，佢第一句就講：死咗佢算啦你
4. 一、兩個月唔沖涼，話自己冇乜出汗所以唔洗沖涼，連底衫褲都可以唔換... 臭到我要閉氣先行得出廳🤮
5. 成日喺街執啲來歷不明嘅嘢返屋企， e.g. 揮春、衫褲，我會知係因為佢啲揮春係寫坐初x啟市
6. 拎晒啲退休金買埋晒啲垃圾保險，又成日買啲唔等使嘅嘢返屋企 e.g. 珠鏈、古代硬幣，買到成箱都係，冇錢就問我屋企人借，但係借完又係繼續買呢啲嘢，甚至佢會趁我屋企人瞓覺嘅時候偷佢銀包嘅錢
呢個禮拜我老竇開始變得更加嚴重，搞到成日家嘈屋閉😭有諗過帶佢去睇醫生check下，但係佢實在好硬頸，絕對會話自己冇病
有冇有相關經驗嘅卡友可以教我點做，定其實係人老咗先會變成咁🥲日日喺屋企聽阿爸阿媽嘈交真係好攰
