第一集：https://www.dcard.tw/f/all/p/233068913- 第三集：https://www.dcard.tw/f/trending/p/233082947 勇敢的二七部隊！ 連國民黨攏驚到閃尿！ 咱先來聽一條歌，閃靈的《烏牛欄大護法》

二七部隊是因為二二八屠殺台灣人，組起來的民兵部隊。 為啥物叫「二七部隊」？ 是為著紀念發生佇2月27號的衝突！ （查緝私菸，官員煞拍婦人林江邁，引發憤怒） 上有名的戰役就是發生佇1947年3月16日，南投縣埔里鎮烏牛欄的「烏牛欄之役」！ 領隊黃金島是真正去過戰場的人！ 伊佮學生組織的部隊，竟然會使去對戰國民黨的21師 予國民黨有所損傷，台灣人的精神真正了不起！ 我有去看紀錄片（這是預告）：

會記持我去聽演講的時，鍾逸人有現身 伊就親像一個軍官（「稍息、手揹後面」的模樣） 用真響亮的聲音罵國民黨 叫阮袂使將二二八忘袂記！ 斯當時我真正震撼！！ 鍾逸人先生猶原活ê，黃金島先生已經過身！（2019年） 我對伊印象真深的就是，伊講這段話的時，講共真無清楚！ 伊的聲音帶一點仔欲哭出來的感覺！ 會使感覺著，伊對每一個決策，攏真負責甚至艱苦！

紀錄片亦有一個人（應該就是黃金島）是講到最後 大家攏聽無伊講啥⋯⋯ 因為已經艱苦到無法度去形容當初時的感覺是偌（多麽）痛苦！！ 若是無二二八的屠殺，二七部隊亦無需要組織起來！ 二二八是台灣人的傷痛！！ 你若感覺二二八已經過去，無需要閣管 我想欲請問你，你敢有法度講出超過二十个二二八受害者的名？ 你若無法度，你連二二八的邊攏無搵著（沾到）！ 請繼續去讀歷史，去了解這寡予隱藏的歷史！ ps.第一擺知影二七部隊是因為這兩本冊： 辛酸六十年（上）狂風暴雨一小舟：228事件二七部隊部隊長鍾逸人回憶錄

二二八戰士黃金島的一生