鬼滅開箱2

柯南世一

繼上一次係funbid拼佐團鬼滅之刃嘅模型後，我又忍唔住想拼多次鬼滅嘅模型，所以就睇佐鬼滅嘅po先😆（當然柯南都有睇，但下個po再分享😎）話說上一次雖然拼到一盒妹妹嘅模型，但因為兄妹之絆少佐哥哥覺得差啲野，所以今次都係集中搵妹妹多啲，搵佐好多po都係一大堆鬼滅（起碼10盒起一團），一係就無妹妹，好彩最後俾我搵到個飯糰系列嘅妹妹＆蝴蝶忍😍！

仲要日本賣家係包運嘅！所以我直接直購佐呢2盒模型，就唔慢慢bid啦費事為佐慳幾十蚊等6日咁奈（都怕比人中途直購搶走佐🙈）！係funbid 真係有唔少賣家或包運或同funbid有合作，可以有運費優惠或者免服務費，咁樣真心超抵買，減埋運費同埋回饋金，計埋都唔洗150蚊！講番兩盒鬼滅模型先，今次係買佐飯糰系列嘅模型，有妹妹彌豆子同蟲柱蝴蝶忍！

上次淨係買佐有一盒大哥飯糰，已經覺得食飯糰呢一個系列好正想收番齊，所以見到飯糰系列就忍唔住超想收啦。而且咬住竹嘅妹妹好得意，超得意💕！

因為係鬼所以無得食飯糰，好符合人設🤣。而且日本模型啲手工真係無得頂，超靚，超真，款款都得意到想買佢地番嚟🤣唯一可惜嘅係妹妹隻腳伸太出，放入櫃會擋住櫃門，要郁下啲位放入啲先得🤦🏻‍♀️🤣不過放埋鬼滅啲模型真係無曬位啦，超級無敵逼，好似香港土地少人口多咁🤣，所以真心要切手忍住啦，唔係買佐都無位放😭 講埋運費先，兩盒啱啱好過佐0.5kg少少所以當1kg計，好在有張卷減到一半，計埋都唔貴。