Wtf 12歲咋，俾人非禮？戀童癖？
匿名
想分享下細個嘅經歷，嗰時好似係12歲，咁啱嗰日屋企人唔得閒送我，我就自己去返學，等𨋢期間有個變態佬走過嚟非禮我，詳細就唔講啦，最可惜嗰時警察搵唔到佢，冇成功拉到。
但我而家諗返真係覺得好鬼核突，原本非禮呢件事已經唔啱，仲要搞細路仔，我12歲BB仔樣嚟嘅咋，所以從此我對戀童癖非常厭惡。我希望所有非禮同強姦犯得到佢哋應有嘅報應。亦希望所有人遇到呢啲事件，主動啲去幫受害者，而唔係講話「邊個叫你着裙着咁短？」「你咁嘅樣邊有人想非禮你」呢啲垃圾說話，成日喺新聞見到啲評論把口咁衰，就為受害者感到氣憤。
如果係你哋會點諗？如果現實中你被非禮會點做？我見有啲人係真係唔想搞大件事而選擇啞忍，咁樣係姑息罪犯😢
多一事不如少一事，俾佢摸
0%
驚得滯唔敢出聲，等人幫你
10%
大叫求救，搵警察拉佢
80%
其他
10%
10 票・投票已結束
