煩緊暗瘡嘅就入嚟望下，盡我所能救下你地🥺
香港專上學院
我係呢個po嘅po主，由於見到入面都幾多人係有呢類嘅困擾，決定將我真心用過有用嘅嘢介紹出嚟。
💛希望大家用心睇曬佢，我打咗幾日幾夜，不斷諗返自己用過咩，好辛苦🤣，同埋自己冇呢個皮膚問題嘅話，都希望你地可以推薦俾有呢類困擾嘅朋友，因為佢地每個都孤軍作戰，自信心受挫，又不斷俾廣告呃，好慘的。
😔真係嫌煩嘅睇最底，有一個總結。
我會講有咩product我試過係有用/冇用/反效果，
🌟如果你同我一樣係對某啲product唔適合，可能我介紹嘅你都會用到。
🌟由於我用過太多product，貴同平都試過好多，所以我一時之間諗唔起，我會keep住更新。
🌟利申：適合我唔代表適合所有人
👺拜託大家唔好再話我賣廣告，如果係我都想賣，其他youtuber生一兩粒就大叫救命好驚咁樣，然後話用某個產品就好翻，妖緊係啦得嗰幾粒，咁就賺廣告費，皮膚滑到雞蛋咁，雞蛋上面生幾粒好返之後就話有用。
👺我每一次試新product都係以生命作賭注🙂，佢地求其9up/根本唔係暗瘡肌就推暗瘡product，笑大人個口。(sorry太燥)
⚠️另外，大家唔好留言話，我仲爛面過你啦，blah blah blah，因為我最爛面嘅時候係冇影過相🙏🏻🙏🏻🙏🏻而且呢啲說話好傷害到我，大家自己有苦自己知，唔好同我比較，只係想幫助受困擾嘅人，大家手下留情唔好攻擊我😭
⚠️我有一位朋友全面都爛，跟我用杏仁酸係有幫助，佢例子就真係好極端，都用得著，所以我先膽粗粗開post😫
首先講下生咗幾耐暗瘡——大概6-7年
不斷反覆咁生，永遠未試過一粒暗瘡都冇係塊面（同嚴重嘅暗瘡肌唔同，未至於全面都係，主要集中兩頰&下巴）
🌟我好清楚好多人嚴重過我，我認為嚴重嘅真係只可以睇醫生（中醫調理/西醫a酸）
俾大家睇下圖先，我冇一開頭生暗瘡嘅相，因為完全唔會想影，最嚴重核突個啲完全冇紀錄過，只有近幾年最嚴重&最好嘅皮膚對照。（燈光唔同，所以好難一致）
右邊面：
