(基本上鳩up) 眼睫毛精華報告

食用前需知： ⛑️會有粗口助語詞，敬請注意 ⛑️可能有錯字，歡迎正字刑警執法 ⛑️我有努力搵圖佐證，但唔係每一款精華都有記錄到，只有大概歷程，I am so sorry🙏 希望屌得細力啲 ⛑️唔好衝動! 如果無恆心日日搽，係唔會有效果! 只係浪費錢! ⛑️如果我有咁大影響力，導致你買，然後你無日日搽，之後同我講無料到，我係唔會負責任😤🙇 ⛑️效果可能因人而異，我唔覺有咩副作用，唔肯定其他人會唔會有 ⛑️絕對自費，純天然無suga daddy小薯仔 😡偷圖者死 ✨不知道還有沒有台灣美女看我的文，如果覺得很有興趣，但看不懂廣東話，請告訴我，我可以再出一篇文! 謝謝仍有在看我的台灣追蹤者 💋💋💋💋💋💋💋💋💋💋💋💋💋

(攝至2022.5.26下午) 廢話：我6/7歲個時，聽到啊媽話，剪左啲眼睫毛，等佢再生過，啲眼毛就會非常漂亮，又長又密。個一刻，貪心既我，膽粗粗咁，剪左我左眼既上眼睫毛，跟著...我就放棄左(因為驚)，故此，我左眼(無墨個邊)同右眼(有墨個邊)既眼毛，從此鴛鴦。大個"質問"母上，母上話：on9，我講緊bb一出世個時剪啊。。。。 🤡 實測：唔係bb個時剪眼睫毛，係唔會生得更長更密既! ❌😎

我搽眼睫毛精華既決心：早幾年，會心痕，得閒無事就想搽眼睫毛膏，哪怕係夜晚臨瞓覺前 + 想擁有長長既眼睫毛 =我就入左眼睫毛精華液既lone 💋💋💋💋💋💋💋💋💋💋💋💋💋💋💋 奮鬥過程：

好抱歉，我剩係搵到呢堆，比較清晰既，剛好橫跨四年。

💋💋💋💋💋💋💋💋💋💋💋💋💋 結果： ⚠️唔好用既：

Belea 完美眼睫毛精華露毛筆頭：沒有搽眼睫毛膏的快感效果：none，產品標榜的，都沒有感受，無論我自己，定日日相見既家人，都完全睇唔出未搽同搽曬成支既效果

Kate 極致大眼睫毛精華液睫毛膏刷頭：爽 ⛑️事實上呢支唔太算得上眼毛精華，因為佢只有定型既效果，增長濃密穩固，一樣都無。最大雷點：可能你搽完，諗著第二朝起身，睫毛靚靚翹翹，美麗動人咁，唔好意思，可能仲有滿滿既眼屎，痴曬落睫毛度...仲要記得即刻落床搵水洗，唔好乾捽，會痛死你😂 (可以幻想砂紙磨眼)

canmake護睫精華液白色棉頭，搽內眼線上小小既位最大賣點：平+可以探測自己落妝乾唔乾淨修護作用不大，無光澤左/ 無咁易甩毛 💋💋💋💋💋💋💋💋💋💋💋💋💋💋💋 💯好用：

DHC 高機能睫毛修護液眼睫毛膏刷頭 -印象中呢個係加強版，有朋友用過，佢都覺得有效果。 -呢支係我第一次既睫毛增長液，我無記錯，起碼回購3次，但後來因為好難買，所以我就無再用。 -雖然有效果，但從上面既歷程照可以知道，佢效用較低，要用多幾次先有效果。 -印象中⛑️，停用之後，好似甩多左睫毛，但我完全唔知關唔關精華事。

alverde 睫毛助長精華液+咖啡因睫毛精華因為呢兩支，用左2,3次，都係兩支一齊，成個combo咁用，所以夾埋一齊講。簡單啲講：無長無濃，但有感受到睫毛變得唔易甩同有光澤，成日甩毛既，可以一試

AVENCE 濃密睫毛增長液一開始睇文話佢好用，係donki見有就買左泥試 ⛑️呢支因為個人問題，所以我剩係用左半支既量就閒置左，所以有無易甩毛我都唔記得但就算只係用左半支，我都覺得有長到! 效果顯著過DHC! ⚠️但用既時候唔好太貪心，佢質地偏"杰"，所以用太多落毛度，會入眼，然後抹眼，等於嘥料😂 ✨有絲打提起刷頭好硬，就remind左我呢個點，佢刷頭好硬，以致我搽下眼睫毛，近眼頭個part，成日會吉到眼濕濕，嘥料，我宣佈AVENCE扣10分。🤣🤣🤣

Rapid Lash eyelash enhancing serum 毛筆頭，每日一次 (不過我就早晚各一次) 👑係我用過最貴，但效果最明顯既一支 ⚠️呢個牌子有出有色睫毛膏+精華二合一，專for眉，專for眼毛，眼毛呢支係最貴，有人可能話買眉既用落眼度，我就唔太建議，始終用落眼度! -我大約用左兩個月了，目前仲未用曬，好come用😂 所以好似好貴，但佢用到好耐 -效果顯著到，我老豆有日問素顏既我係味畫左眼線，連我啊媽同朋友都話，真係好長同濃密左。

上面係今日既左眼，下面係上年9月份，試睫毛夾工傷，失去左一忽既睫毛。再次，I am sorry，呢個係cap片的，所以好矇，但我係無左忽睫毛的😭 而家係睫毛精華液既幫助下已經超英趕美。 ✨補充小小，甩左個lone之後，我用左半支AVENCE，跟著個人因素而停用，無搽任何野，直至今年3月頭吧，先開始用rapid lash🤔🤔 呢啲clarify一下。 💋💋💋💋💋💋💋💋💋💋💋 總結：想靚唔好慳最有增長效果： 1st👑 Rapid lash (貴啲) 2nd👑Avence (平啲) 保底,修護： 1st👑Alverde 2nd👑(沒有候選人) Thanks for reading❤️💋