好耐冇見 有段冇上過黎！！
其實呢個牛肉烏冬做法好簡單 應該都好多人教過
材料係得以下呢幾樣
材料：牛肉（份量隨心 想食多啲就落多啲）
洋蔥 （係要攞個味 大概1/4-1/2個）
醬汁：
豉油 2-3 tbs （可以根據份量調節）
味醂 2-3 tbs
糖 根據個人口味
水 （蓋過牛肉就ok）
老抽 （想要好睇就落，冇都可以唔落唔影響味道）
烏冬湯底：
昆布醬油+水
次次打到調味都覺得好困難
因為我自己都係隨心落
所以只係可以講個大概
通常最後要試味 再調要鹹啲定甜啲
做法：
用油炒洋蔥先
洋蔥炒到變透可以落醬汁同水
然後再放牛肉
煮嘅時間要視乎解凍情況同埋落左幾多水決定
水落多左嘅話要煮耐少少
然後！！！如果唔係即刻食又想入味啲
可以熄火 焗一焗
到要食嘅時候先整返熱佢
咁樣啲肉唔會煮又老又嚡𖦹' ‐ '𖦹
烏冬湯底嘅話
複雜啲嘅做法有
鰹魚湯粉加昆布加豉油咁煮
但係冇時間又想食好食嘅
可以去超市買昆布醬油！
個人唔建議用普通豉油溝水
咁樣通常會有啲酸味
最後擺盤嘅時候可以放啲七味粉/切成絲嘅蔥
真係想再好睇啲嘅可以放少少黑芝麻
我今次揀左配凍烏冬^ ̳ට ̫ ට ̳^
