2022 DSE 嘅咁多位考生 我地又見面喇😆～
唔知大家睇完上次嘅溫書攻略之後，有冇對準備 DSE 考試更加有方向呢？
除咗考好 DSE ，入大學仲有另一樣非常重要嘅事唔可以輕視～
就係排好 JUPAS 嘅志願序！！！
「 JUPAS 係咩？」呢個問題相信到呢一刻小天使都唔洗多解釋
但係面對嗰 20 個可以自行選擇同埋排順序嘅課程
好多同學仔可能都會覺得無從入手😫
所以今日小天使就想同大家嚟個「 JUPAS 排位解惑大會」
分享下排 JUPAS 嘅心得同埋要注意嘅事
等大家喺通往大學嘅路上都行得更加順暢～😽
首先，等小天使同大家複習一下大學嘅入學基本要求！📝
唔同嘅大學會要求學生「4 科主科 + 1-2 科選修科」 DSE 成績達到 33222 或者 332222
所以記得留意心儀學校對考生嘅要求屬於邊種！😃
不過達到以上要求都唔等於一定可以拎到心儀 offer 㗎～
所以搞清楚 JUPAS 嘅計分方法同埋喺排位上取得優勢就更加重要！😤
每位考生喺遞交 JUPAS 申請嘅時候都可以按照 Band A - E 五個分組選擇 20 個課程
但基本上除非係副學士學位，如果唔係 BandA、B 嘅六個選擇已經定生死嘅喇～
用 2021 年 JUPAS 有 82.27% 嘅派位結果都屬於 Band A 嘅三個志願
就知道 Band A 更加係重中之重！🌟
（資料來源：JUPAS 官方網站「正式遴選結果統計」2021年數據頁面）
經過小天使多年嘅觀察👀
決定 JUPAS 排位嘅時候可以考慮以下嘅種種因素
衡量自己成功入到心儀學系嘅機率有幾大：
📍過往幾年收生數據
好似考試前會操 pastpaper 一樣，排志願都可以參考歷年數據！
香港大學 HKU👇🏻香港中文大學 CUHK👇🏻香港科技大學 HKUST👇🏻香港城市大學 CityU👇🏻香港浸會大學 HKBU👇🏻香港理工大學 PolyU👇🏻香港嶺南大學 LingU👇🏻香港教育大學 EdU👇🏻香港都會大學 HKMU👇🏻香港恒生大學 HSU👇🏻（香港樹仁大學HKSYU並未對外公佈2021收生數據，歡迎樹仁嘅師兄姐留言分享！幫助更多應屆考生☺️）
📍面試表現
除咗成績，面對面嘅交談比考官嘅印象都佔重要一環！
📍特定科目權重計算
有啲學系特別注重語言、有啲就特別注重數理！正中紅心可以成績加成又同成功近咗一步！
📍師兄姐嘅申請經驗
所謂識人好過識字，師兄姐嘅親身經歷分享一定可以幫到唔少！
講到再針對性啲嘅策略📌
小天使覺得每個Band嘅排位都可以用唔同角度去思考～
👉🏻 Band A：選擇自己最有興趣，最有機會面試嘅科目！
可以進取一啲，放心儀但成績上有挑戰性嘅課程，特別係 A1 🤩
而 A2、A3 就可以逐漸由進取轉變成為保守，為自己建立 Band A 嘅安全網～
👉🏻 Band B：選擇自己有把握，而且相對感興趣嘅可以！
適宜求穩陣，放一啲有信心成績可以應付學系要求嘅科系～
總結！排 JUPAS 志願嘅時候
除咗可以參考數據、訪問過來人嘅經驗之外😯
都可以多啲留意有冇可以令自己喺一眾考生中脫穎而出嘅優勢！
知己知彼，就更加容易入到自己心儀嘅學校同埋科系🥰
大家加油啊💪🏻💪🏻💪🏻
今次講住咁多先🥺～
如果想睇更多 DSE / JUPAS 相關文章
記得 Follow 呢個「港澳新生小天使」卡稱
咁就唔會 Miss 咗我地嘅活動同文章😍！
小天使下次會同大家分享 Study Break 點樣成為時間管理大師
好好運用每一日準備迎戰 DSE 🥳 ～
⭐️同時歡迎各位師兄師姐喺文章下面留言補充或分享自己嘅 JUPAS 排位攻略！
