【時間管理大師】 Study leave 點做會有效啲？
2022 DSE 即咁多位考生 我哋又見面啦😆～
相信大家睇完上次 JUPAS 教學之後,都對自己排志願嘅順序有咗一定嘅方向。
目標我哋就定立咗啦，我哋究竟要點樣盡我哋所能入到心儀嘅學校呢😍？
咁就當然係溫書溫書溫書啦！！！
好好運用 Study Leave 呢段時間黎學習可以話係非常重要。
所以今日小天使就想同大家嚟個「時間管理大師教學」
分享一下究竟要點樣善用呢個 Study Leave 黎增強自己呢？
等大家可以更善用時間，溫書自然得心應手😽😽！
⭐️與世隔絕
溫書好痛苦個個都知😫，尤其是臨近考前幾個月。大家壓力一定好大😫。
大家都係得一樣嘅時間（Study Leave）點樣可以學習得更有效率成為一個好大嘅分界線。
首先小天使建議大家 Study Leave 期間要暫時與世隔絕！
❌所有活動例如： 飯局、Part-time，家務，聚會，打機等等都要推得就推，留返考完試再報復式進行。
❌ Delete 手機入面既遊戲 app，煲劇 app，打機打波，行街煲劇，係 Study leave 期間一律要戒！
加上而家疫情基本上都冇邊度好去，大家就修心養性專心作戰啦 ！！
當你放鬆落嚟嘅時候出面有好多學生喺度奮鬥緊唔想比落去就要做到自律！！
⭐️定立一個有效嘅 Time Table 📝
一個固定嘅時間表可以話係非常重要
有時大家走去自修室溫書但又好無目標同方向。
入到去坐咗成日，真係有溫習入到路嘅都唔知有幾多🥺。
固定嘅時間表可以令你有規律咁學習休息，
持之以恆咁跟住個時間表就會慢慢養成一個習慣，好似我哋每日都要返學咁。
不過整時間表嘅時候要睇返自己個人嘅進度，千祈唔好跟人地嘅時間表。
只有自己先至知道自己最需要啲乜。
另外千祈唔好寫得天馬行空， 例如一日之內完成好多個目標/任務。
當你執行唔到嘅時候反而會令到你成個溫習效率降低😯，
最後冇跟到個時間表😯。
以按部就班嘅方式制定時間表係最理想嘅，一步一步咁嚟，進度好嘅就可以慢慢增加要求。
以下提供小天使當年大概係點樣寫自己嘅時間表作大家參考🥰：
