寫聯署信寫到畀人鬧
新生
今年from 5,我間學校正常嚟講就5點放學,但係就因為武肺就成個時間變咗,而7/11就恢復全日面授課,但係我聽到啲初中話:唔想放咁晏 會死 之類嘅嘢,跟著我就寫咗封聯署信,叫學校將個放學時間從5點改到4點,過唔夠半日班老師就知道曬,有啲老師就話我文筆幾好唔似係我會寫嘅嘢,又有啲老師就叫我唔好做埋呢啲嘢影響學校聲譽 (band3學校)。
下晝嗰陣時,有個老師就喺我班房門口,屌鳩我嗰班啲同學,話佢 做咩亂咁幫人簽名 萬一人哋攞你個簽名去做犯法嘅點算。但係現時香港邊到可以用簽名功做犯法野,上堂嗰陣時搞到條友喊咗, 搞到我都唔知點算。臨放嗰陣時有個訓導就捉咗我去訓育處,問我點解要做呢啲嘢,點解唔搵學生會,點解唔搵家教會做呢啲事,我就一一回答佢嘅問題,我做呢件事係因為班初中係到吟我先做,唔搵學生會係因為佢哋出名廢 冇用 淨係講搞啲垃圾活動,唔搵家教會係因為 我同我老母關係唔好,基本上一日唔會講超過十句。而家個訓導就話 唔會罰我,除非啲嘢畀人po咗上網。
屌,佢老母當撚咗自己係秘密警察

