小妹我今年中學畢業，準備升asso啦，而家就做緊M記嘅。
喺做m記之前我有問過學校阿sir喺呢段暑假裏面有咩part time做啦，咁佢就介紹我試下去做地鐵嘅車站助理part time，一日兩個鐘，69蚊/hrs，and then福利就係一張免費搭地鐵嘅八達通。
呢個job對於一個要成日搭地鐵嘅人係好嘅，雖然得69蚊一個鐘，仲要淨係可以返兩個鐘，唔係特別多錢，但喺交通費上就可以慳唔少錢嘅（如果你係需要成日搭地鐵嘅人）
咁小妹我對呢個job好有興趣啦，我都有上網申請過兩次，但到而家都未有消息……我今日都有再send多次份申請表。
但因為我冇做過呢啲工，我想知道有冇人做過mtr嘅車站助理🙏可唔可以分享下當初interview要in啲咩，對呢份工作嘅感想，有咩特別要注意嘅地方，希望有人可以分享下🙏
