年度物理治療PT勸世文集合區

香港理工大學

救得一個得一個，睇咗就知道PT而家係點，唔好有錯覺，認為香港Physiotherapy仲係好好景！香港物理治療PT畢業生入HA現況

DSE 考生專區板

Sir Humphrey25/7/1

香港物理治療PT畢業生入HA現況

PolyU BPT收150人，MU 55人，SFU 60人，東華 60人，一共收325人，再計埋PolyU MPT、海外回流，分分鐘有400個畢業生，但聽講HA今年得大約100個位，PolyU好似係得

有無人知道今年HA收咗幾多個PolyU PT

From threads account jonttc0806 2025年9月尾：「最新就業消息from （某間）non PolyU physio fresh graduate。問過下身邊啲同學仔，最新 update 應該係咁：35% HA，35% OAH ,10% （NGO +private），20%仲搵緊工。依個市道都有 80% employment rate，算係唔錯啦。//人工都跌左好多，有D 25k 底薪加要跑數，已經算係 good offer。//另外個兩間院校，入唔到HA嗰班，得好少人有offer。」 2025年11月頭：「剛剛同 PolyU 的 Associate Professor 溝通過，據他的非官方統計，暫時應屆PT fg只有約一半人獲HA聘請。」 PT真係好唔團結

論Poly醫療三寶的傷痛

頂薪治療師不被續約，各位讀緊/今年畢業嘅物理治療/職業治療同學仔有福了

Threads 網民留言（精選）： <Comment 1> 以我所知，差唔多有起碼五成嘅Poly OT FG搵唔到工，其他學校可能更多，而基本上就算有，都得好少係HA嘅正常OT位，仲要嗰啲係GPA爆4同埋placement好好嘅人，變咗個情況有啲似2000年代。已經有人打算轉行去做保險，或者其他普通office工，但係個問題係，好似呢位師兄咁講，你比人哋少咗四個暑假去拎intern經驗，degree同啲咩商科完全冇關係(i.e. BBA)，人哋搵咗啲BBA同有intern經驗嘅人先都唔搵你，就變咗個空有OT牌嘅廢物，又搵唔到工，最後被迫做7仔/m記/etc... 真心有得再揀仲不如去讀nursing，又或者其他普通商科，起碼有工開。除非你真係對OT好有熱誠(不存在的)，屋企有礦(咁點解你仲要讀書)。如果唔係真係咪讀，救得一個係一個。同理基本上其他五寶都係一樣，除咗放射好啲，可能今年仲趕得上尾班車，基本上全部一齊失業。如果有人拎個政府嘅表，同你講2035年先飽和，嗰個係班高層自己ff出嚟嘅數字，係假嘅，事實係而家FG冇工開。 <Comment 2> 我係咁睇：目前係政府專職醫療人力資源都帶頭吹淡風 PT OT等飽和，加上明愛、東華、都大開咗學位，仲有海外回流嘅，HA呢一刻都要唔晒，問題變咗私營NGO唔知要唔要得晒咁多畢業生。另一方面，HA 已經成為指標，當HA收唔晒畢業生之後，就會俾人一種感覺無咗保障。加上近年政府醫療不停cut呢個趨勢以呢屆政府嚟講似乎會繼續持續落去。政府帶頭縮皮的話，對私營NGO都未必係一件好事。四年後無人知會係點，可以好似你講咁有一個反彈，但同時都會可以持續差落去。依家其實應該要觀望吓，過咗《2025年輔助醫療業（修訂）條例草案》容許患者在指定條件下，無須醫生轉介直接尋求PT和OT服務，會唔會有刺激到巿場。始終數據上，僧多粥少。 <Comment 3> 作為現職治療師，見到今年既market同2000年果時真係好似。最慘既係，人手唔加，case load 唔會減比我，仲不斷搞新project 呢樣果樣，做得耐少少真係有d心淡。同埋呢幾年學位真係加得太多啦，變返好似以前咁每年100位同學畢業既話相信會好好多。 <Comment 4> 我又咁諗，大學點都要諗下減番少少學位，大家都經歷過大冧市，市場係需要5-10年先回復正常。掉番轉咁諗，之前幾年成個行業太順利，無咩競爭性，到而家連大家份工都有危機既時候，可能會有改變呢。汰弱留強就一定㗎啦，行行都係咁。 <Comment 5> 唔好一味唱好啦，明明成個jump有幾多工一眼睇晒，成個趨勢好明顯出咗嚟啦。我身邊有人話想讀，我一定大力叫佢唔好，要讀醫療科就揀RD/nursing。人哋啱啱先放榜仲有得揀，點解要博四年之後嘅市會好返啲？情況同我哋洗濕咗個頭讀緊，或者做緊嘢唔同呀嘛，我身邊啲friend好多都冇工開，再唱好，只會鼓勵啲院校繼續開位…… <Comment 6> 用數字說話：今年第一年cut budget cut 2%，NGO已經freeze位，唔再有opening ，第三年cut budget cut 7%，想像唔到係咩環境。HA食唔哂fg，NGO又冇位，一畢業好大機會就失業。 <Comment 7> 有心有熱誠真心想做個好PT/OT 真心想幫到病人嘅個前景係唔樂觀，都會想揀黎讀讀完做個有心嘅PT/OT 因為佢嘅熱誠會幫佢捱過市場嘅淘汰放完榜，一尾淨係關心PT/OT搵工市況/搵幾錢/升職錢途，就真心建議唔好讀，會失望。因為PT/OT躺著都有工做嘅黃金時代，真係暫告一段落。 <Comment 8> 眼前好多機構cut budget cut位可能嚇親好多人，令好多想揀OT、PT同學諗左諗右，唔知揀唔揀好。但我好認同Vxxx老師嘅講法，四年後，可能有唔同嘅政策。 2008年畢業嗰陣，我嗰屆得40人（當年得poly有OT programme），HA請咗10個唔夠，大部份同學入咗NGO，仲有唔知幾多同學無做OT。但一年後，HA突然開好多位（因為開PCP programme），2009年畢業同學、加埋我嗰屆有好多同學都入返HA。轉眼之間，大家慢慢做到managerial position 香港黎緊係嚴重人口老化，依家醫療、社福政策一直轉變，OT, PT或者會有新發展，所以，大家有心入行就報名，唔洗擔心太多，擔心就equip自己，令自己成為preferred graduates🙏🏻共勉 <Comment 9> 我覺得可能早幾年人人有工開嘅局面俾咗個錯覺大家？其實我喺呢行20年嘅observation，嗰個局面先係唔正常，呢行一直都係汰弱留強，並唔係人人都做到呢份工，亦係要不斷equip 自己、make connections，先會做到preferred graduates. 不過我戴返個頭盔先，如果全家等個學生畢業搵工先有得開飯，咁可能真係要考慮清楚。 <Comment 10> 呢排放榜，作為一個都算係 Old Seafood 都想同大家分享下。我都知道呢幾年Poly五寶俾人煲到好大，收分好高，甚至有啲科係低醫科少少，但都想同大家講，其實揀科就好似投資股票一樣，過往表現不等於未來走勢。 1. 醫療科飽和係一個不爭嘅事實，詳細可以睇返政府醫療人手估算，雖然只係估算，但係都有參考價值。 2. PT OT 尤其嚴峻，過去5年收生進取，大量升學中介宣傳，所以好多人沖曬去外國讀，再回流返嚟香港。而香港又多好多機構train PT 學生，以前得Poly，而家多到我都數唔晒。仲未計Master！呢幾年一年保守估計都有二三百個畢業生，你畢業後，呢1000個人喺你前面，你覺得食唔食得晒？ 3. 呢十年醫療科風生水起，好多人5 年就升，27歲就 Point 25，但神話已經破滅。退休潮過了，遲下應該去返 20 年先有得升。 4. 以前係收得好高。但其實80年代，呢類醫療科係屬於水泡科，無人讀。一切都係供求問題。 5. 呢一刻你要諗清楚，因為呢個決定係影響30年，你係要預判將來。 6. 如果你都決定要讀，請你努力唔好發夢。實習嗰陣好好表現自己，爭取表現。 <Comment 11> 罪魁禍首咪就係啲學店囉 PT一年三四百個fg，就算經濟好，三四年咩空缺都fill曬啦，跟住咪得返啲退休/離職空缺囉，但一年會唔會有成幾百人退休？而家經濟唔好，情況就更差。HA/NGO冇錢請咁多人。Private市民勒緊褲頭+北上+越嚟越激烈嘅同行競爭+不受監管嘅痛症/運動/xx治療啲前輩成日話 “廿年前更差，好多同學轉行，但後來經濟好返，好多人之後都入返HA...” 但廿年前poly取錄60人咋，而家係各大院校加埋每年300人。你諗吓，我當你兩年後經濟好返好冇？都已經積咗一大堆人未入行，如果學額不變，你覺得呢班人入得返本行？學店高層肯定心裏有數啦。But so what? 你班畢業即失業關我咩事？我負責教only，就業還請閣下自理。幾年前係咁吹PT好缺人，又攞高就業率作招徠，就係為咗可以開多啲課程cap水，呢幾年就業情況咁嘅樣睇你點收科。食盡時代紅利嘅前輩們好一句汰弱留強。40分嘅fg被淘汰，你話佢活該，60分嘅fg被淘汰，可能not good enough，80分嘅fg都抆水嘅時候，汰弱留強仲成唔成立？老實講，PT OT唔似medic nursing，並唔係essential staff，政府/NGO冇錢，一定係首先請少啲PT OT先，醫生護士一定係最後先郁。喺呢個情況下，個學額仲開到咁大，最後就造成而家咁嘅局面，起碼一半fg失業/就業不足。 <Comment 12> 今年又有物理治療畢業生在抱怨找不到工作。那年我畢業也是沒有醫管局聘書。為了趕著上班，七月就在一家骨醫診所上班，沒有去畢業旅行，薪水只有正式醫管局二級治療師的一半。我做了半年，因為骨醫專長單一，我反而想看看其他病症，我裸辭再找工作，但一直沒有回音。最後一根稻草是，我面試某NGO二級物理治療師到最後一輪，僱主也是選了另一位申請人。如是者我失業了接近半年。然後，我在沒有請教過師兄師姐的情況下申請到新加坡公立醫院上班，跌跌踫碰，到今天總算未有一刻要改行賣蛋撻。當你在猶豫，今年就業狀況不好，剛收到DSE結果的你是否栽進一科4年後就業情況不明朗的主修科；今年畢業還沒有找到心儀工作的你，懷疑自己的人生有沒有做錯抉擇。我的同學，有人改了行頭也不回，有人堅持。有人改行後再回來，回來復工後混得也不錯。不要擔心少了像商科學生的實習影響corporate jobs 的受聘機會，例如保險公司的理賠部門也需要有醫療背景職員處理賠償事宜。拿到手的牌不要丟掉不續，總有天某個時侯，這個牌總會有用處的一日。 <Comment 13> 如果你係為「搵大錢」，而選擇成為物理治療師，我會建議你吾好甘做。如果你係為「鍾意」+「好少少的收入」，甘我會覺得，你可以選擇成為一個物理治療師。因為呢份「鐘意」，會令到你作出取捨。由上年8月，裸辭建立自己的診所。由一星期Freelance 工作，5天全港十八區都去 + 每星期只得2晚的clinic time slot 到到衣家每星期可以安排有2日full day for clinic，慢慢甩緊freelance 的工作仍然努力「生存」緊，辛苦，卻值得因為呢份「鐘意」，會令到自己，願意付出200%，而只得10%的回報有無「前景」，從來都吾關「行業」事天時地利人和得一樣野我地可以控制到甘多位朋友仔，加油 (不喜請插細力啲🫡🫡) <Comment 14> 見到好多人講話allied health科飽和唔飽和其實我覺得個包生仔時代已經過咗而家係無科係包生仔某程度上係所有科都飽和😂 因為事實時候上之前包生仔嘅原因係政府強大水喉頂住但而家香港政府赤字嚴重經濟下行根本科科都無可能包生仔係無錯包括醫科因為你報邊科都唔係睇呢一刻市道好唔好係睇畢業果刻姐係四至六年後個市點而家畢業搵唔到工既allied health師弟妹佢地報四年前係個市最好景果時😂 政府如果鍾意三年後話引入大陸醫生然後唔夠HO位真係醫科都可以爆煲🤦 所以你問我，而家我只會建議真係對呢科有興趣、lower quadrant博一搏或者想去外國移民既人報allied health 唔係既話我覺得會好容易後悔/頂唔住😂