嶺南大學

集體離職|嫌觀塘辦公室搬遷上水太遠 70名員工走剩10人

6月11日 13:19
香港地方雖小,但繁忙時間的交通擠塞問題,卻令許多打工仔介意辦公室位置「偏遠」。有網民指,其公司辦公室由觀塘搬到上水,令超過八成同事「大逃亡」,疫情下都要辭職⋯⋯ 本港不少打工仔每天都由新界區通勤到九龍及港島區上班,但換轉是九龍人或港島人,要每天到上水上班,大家又會怎樣? 有網民近日分享,其公司有70名員工,辦公室本來位於觀塘,今年需要搬遷。當同事知道搬遷的新地點是上水,大部份人都嫌棄上水太遠,認為上下班的交通不便,表示介意每天車程太長,於是引發集體離職潮。 網民指,在搬遷日前一個月,全公司只剩下10名同事,即是有60人、相等於八成半同事已遞信辭職。他們寧願在疫情失業率高企的情況下,都要另尋新工,以避開上水的新辦公室。 網友都議論紛紛,有網友都笑指「(留低)嗰10個住粉嶺上水」,有過來人就表示「我都試過由觀塘返上水的工作。上巴士沿大佬山、科學園、吐露港至上水。 上午出九龍塞死(對面線),反方向返上水都係45分鐘車程。連等車,落車行返公司大約全程 1小時。」認為「香港地出門返工用1小時到公司門口是正常的。」 有人嫌棄上水辦公室,亦有人「爭住舉手」。不少居住在北區的網友都表示「北區人表示有興趣咩公司」,意思是北區較少「office工」,大部份居民每天早上都要特別早起床,逼巴士火車到港島九龍上班。亦有網友指不是每個人都有機會在新界上班,「有舊同事住天水圍返上環,公司元朗有個倉,佢第一日返工已經入紙想入元朗,結果5年都調唔到。」 有網友則認為問題是「市區人」介意到新界,「上水人出九龍灣返工就無問題嘅時,九龍灣搬上水就好似去咗深山咁,其實上水無你地想像中咁偏僻囉,上水去九龍灣都係一個鐘車,仲要有巴士直達。」 小編綜合網上不同討論區的聲音,發現除了上水,天水圍、柴灣、新蒲崗、觀塘等地區,也是普偏不受打工仔歡迎的工作地點。因車程太長,若早上遇上塞車就會遲到,晚上要OT就會很晚才能回到家,令打工仔變成非常之早出晚歸的辛勞一族。 個老細係咪知啲人會走 咁樣cut人都幾癲。。遠近真係會影響想唔想做?
251
回應 28
文章資訊
熱門留言
香港科技大學
我港島去一轉上水。。都可以飛轉台灣
香港理工大學
新界人表示 返上水絕對好過觀塘 我搵工見觀塘即skip
共 28 則留言
香港城市大學
個老細有啲ON9
香港職業訓練局
搬office應該係租金問題?
香港科技大學
我港島去一轉上水。。都可以飛轉台灣
宏恩基督教學院
Old news
一粒鐘咋,我屯門去數碼港 一程個半鐘
香港理工大學
新界人表示 返上水絕對好過觀塘 我搵工見觀塘即skip
天水圍人,覺得係市區人對非市區嘅刻板印象
香港知專設計學院
B5 我都係數碼港🥲不過好您少少 我市區
b8 唔好提,日日返工放工經過屯門公路都提心吊膽 好似今日咁,好彩巴士有位坐 最後我遲咗半粒鐘,一有咩冬瓜豆腐真係cap低救自己
香港理工大學
B3 東鐵過到海應該好啲
香港理工大學
B9 今日我個fd 塞左喺深井成半個鐘有多🙈
香港知專設計學院
B9 有同事講話萬一真係遲上車嗰啲 可以搭黨鐵去堅尼地城 C出口嗰度小巴站有架58 有時會直接去數碼港 唔經其他站
香港專業教育學院
一個鐘就話遠? 好多大西北嘅朋友日日都係咁返工架啦
香港科技大學
住市區,捱貴樓或貴租係為左節省返工時間和車費 依家住咁貴地方仲要多花時間金錢,緊係唔制啦 有小朋友仲煩,要預時間接送返放學,除非有家人或工人幫手
香港大學附屬學院
B14 天水圍人表示已經被訓練到唔嫌車程長,一個鐘濕濕碎
B13 咁我應該有啲難度,我如果無係西隧落車下一站已經係香港嗰邊啦,急步行都要10分鐘先行到去巴士總站搭30X
香港城市大學
B14 唔係 係調唔返轉 港島/九龍人係唔會接受到咁耐既車程 新界人表示已習慣 利申 住上水
次次同人講住元朗,啲人就用好關心我嘅眼神話好遠呀,講到我好似啲非洲兒童攀山涉水返學咁樣,搞到我次次都好想反佢地白眼 「 我去元朗,不如返大陸」「 我搭車去你度,都可以去轉台灣啦」聽到呢d句子,真係好想講粗囗🙂 btw 住新界搭巴士,其實無想像中咁慢
香港科技大學
老老豆豆 如果唔係讀科大 我諗我都唔會點去新界
香港專業教育學院
B6 港島九龍人表示見到新界兩個字都覺得臭
寧願瞓耐少少 都唔想晒咁多時間搭車 好正常啫 如果上水 屯元天呢啲地方多office工 住嗰邊嘅返工應該都喺返附近啦 身為新界人 我都覺去其他新界地區好撚遠😅
香港公開大學
會,除非真係好想返嗰份工,如果唔係,有其他選擇嘅話點解要揀份離自己遠咁多 除咗上水元朗,其實觀塘都係,物理上近啲但朝朝塞車塞到傻,搵工時都會避免
可能有啲人就係想返工返近啲嘅咪揀附近 搬office搬得遠咪唔做 新界遠少少嘅可能附近工作未必啱佢 咁啱九龍港島又多啲工作機會咪返遠啲 人各有志ja,洗唔洗諗咁多😂
匿名
這則留言已被刪除
6月12日 12:29
已經刪除的內容就像 Dcard 一樣,錯過是無法再相見的!
香港中文大學
西鐵出市區好快添 B19
香港理工大學
咁多人辭應該份工或者老細本身就西西地,所以番工遠就索性唔番
香港公開大學
我以為返工一個鐘以上係常態?