同事話新人請大家食飯係基本禮貌
香港城市大學
前日第一日返新工，第一感覺係公司架構算扁平，上司、同事都好nice，咁應該有希望做得開心過上一份瘋狂OT既地獄工！
到lunchtime同事話一齊食飯，第一日識大家唔想之後俾人杯梗係話好，大家就一起去食日本野。食完之後，有個老屎忽同事A突然,,,
A：喂多謝wor！
我：做咩無啦啦多謝我啊？
A：你請我地食飯嘛！梗係要講多謝！
我：下？但係我冇講過我請wor
A：新入職同事請大家食飯係職場基本禮貌黎，你唔係唔知啊嘛？之前既公司冇教你呢啲？
我：... （邊個會職場有呢啲規定==）
A：咁我地出去等你啊！你埋完單再出黎一齊行翻公司啊～（起身走人）
我：... （企響原地呆左）
最後我都係俾曬所有人既飯錢，因為A同事同上司好熟乜都會講，怕第一日就比人打小報告。。。
但真心想問咁做到底係應份，當係同大家打個招呼？定係A同事亂up而我又咁蠢比人賣左豬仔🥲？
（請完之後第一日等於白做。。。）
