私補個家長cls🤬
香港科技大學
我今日同個學生私補，我同佢補全科，佢數學份卷派返嚟僅僅合格，嗰個家長問我錯啲乜嘢，其實基本上都係唔小心計錯數，所以我照樣咁答翻家長。
個小朋友喺隔離解釋佢考試嗰日狀態唔好，跟住個家長就鬧佢個女有病，仲話畀啲藥佢食。（之前我已經知道佢細佬有專注力不足，而醫生有定期開藥畀佢細佬。個家長之前都講過話想畀細佬啲藥佢食，而我有勸過佢唔好咁做。）
跟住我就講笑咁話，你唔係真係畀咗啲藥佢食呀嘛？佢竟然話係。
之後我同家長講，補埋佢個仔女考完試就唔補。點解會有啲家長咁cls🤬
