香港都會大學

懷疑俾前老細封殺…

話說小弟係七月嗰陣經朋友介紹,去咗一間喺屯門嘅餐廳度做。一開始做落都覺得老闆冇乜嘢,但係過咗一陣我發現咗好多唔正常嘅嘢… 就係例如老細冇加我入wts grp同埋係冇set我做聯絡人,我有問過其他同事,佢哋都話佢哋個個都喺個WhatsApp group度。不過其實呢樣嘢都唔算奇怪。 出糧嗰陣時我見到自己時薪係$55,但係我問過其他同事,佢哋話一開始做應該係$58…我呢個時候就開始懷疑,我係咪得罪咗老細啲乜?但係我諗咗好耐都冇,不過最重要都唔係呢樣嘢。 咁10月嗰陣,間餐廳因為租約滿咗,所以就執咗啦。咁我自然就去咗搵第二份工,一開始有啲工唔應我都覺得冇乜嘢,可能佢哋咁啱搵到其他人,但係搵咗好多份工之後發現,好多工都係叫我過幾日我見工之後,就冇晒聲氣。呢個時候我唯一諗到嘅就係前一份工嘅奇怪經歷,有冇可能我俾前老細封殺咗…? 想問吓有冇人有經驗或者有建議俾到我話俾我知應該點做同埋究竟發生咩事?🥹
sticker
Like
73
27 comments
Post information