阿爺係同性戀
匿名
阿爺依家可以話係眾叛親離，佢同佢男朋友住係一齊，阿爸阿媽唔俾錢佢養老
其實阿爺係同性戀本身應該呢世都唔會有人知，阿嫲8年前過咗身
之後4年阿爺都係自己一個人過，直到4年前佢參加中心活動識咗佢男朋友
其實老年同性戀始終有老一輩嘅保守思想，相處過程唔會話有好親密嘅行為
所以我哋成家一路都以為係阿爺識咗個新朋友，佢老年生活又好悶多個朋友都好
但係當佢男朋友當時話要搬來同佢一齊住，阿爸阿媽就覺得有啲唔對路
直到有一次阿爸偷聽到阿爺同佢男朋友講電話，聽到兩個男人之間超出友誼嘅對話先令到事情曝光
然後佢哋嗌咗場交，阿爸阿媽就已唔幫佢養老威脅佢，仲想送佢去老人院
不過最後傾唔掂，就變咗僵局
我而家間唔時會偷偷地去探阿爺，不過我細路仔都冇辦法幫到佢哋啲乜，但係我感覺到阿爺開心咗好多
