唔知要點樣面對條仔好

Anonymous

識咗條仔一個月多啲本身係約炮所以識嘅。之後佢有同我講話想試吓唔係出嚟齋約可以做吓其他嘢。咁如是者都出咗嚟六次以上。一開始頭兩次嘅時候佢都好似好正常咁就一齊傾偈，又會做啲情侶先會做嘅嘢。第三次起之後每次見親佢都話攰（佢真係直接瞓着咗）因為其實我哋見親都係大家收工後。我都有問過佢，佢係覺得我好悶定係行程悶，佢答我話返工攰。但係曾經有試過佢唔係返工攰純粹同其他人（佢話係fd)出完去又搵我佢都嗌攰。行程就坐海濱或者公園。本身都冇話特別沉嘅，但係而家就沉撚晒。我唔想過得咁難過想放開佢，但係我覺得呢種關係好難得會有發生喺我身上有啲放唔開嘅感覺。有陣時會開始冇咁鍾意佢嘅感覺，但係見到面之後又覺得我其實仲好鍾意佢。所以我都唔知而家點算可以點樣面對佢點樣面對我自己。