(理性討論)點解仲係冇人明泛民係一個潛在威脅？熱狗點解係原罪？
香港中文大學 翻譯系
喂，係啊，兄弟爬山，互不分化啊。
問題係，如果嗰個唔係兄弟呢？
泛民賣港都唔係第一日嘅事，佢哋實則上只係中共嘅維穩小隊，唔講咁遠，就由六月開始睇，每一場夢都冇真係參與過，臨清場就淨係識扮暈。啲人想衝立法會就即刻企喺最前擋，如果真係兄弟爬山，唔係應該唔好阻止，當睇唔到甚至支持咩？白頭佬、 毛孟靜等人冇一個係無辜，even就算連登大力吹奏嘅逗號人都係。
一齊嚟睇下販民做過啲乜：
1）雨革時出賣義士，報警拉衝嘅義士
2）搶風頭，明明當年係普通人同熱狗搶出夏愨道，但人地衝完霸左個地方就出來搭大台做大佬指指點點
3）同警賊合作，612當日鄺俊宇喺下晝衝左出立法會門口講野，但三點前精準地離開，因為三點時警賊開始攻打示威者，條友次次都喺警賊開打前消失，根本同警賊夾好晒喺最安全嘅時候出現，有示威者戲言有鄺腎出現就最安全，因為警賊唔會出手。咁點解鄺腎會咁做？因為一年前鄭松泰提出議案要求成立警察操守資料庫以便監督警賊嘅行為，但鄺同民主黨反對，議案不獲通過。咁你明點解啦。
熱狗做過乜：
1）從未篤灰，全力支持抗爭者，就算抗爭者做膠野，最多都係鬧，唔會阻。
2）以德報怨，如鄭松泰喺元朗出手救過被老黑襲擊嘅癲狗日報記者，癲狗日報乃黃毓民嘅媒體，黃毓民已跟熱狗同陳雲鬧翻，依家係對家，但泰見到佢啲人有事照救。相反黃毓民仲喺節目鬧泰成日問佢去左邊話佢唔做野。
3）低調做實事，唔出風頭，其實呢兩個月嘅八成抗爭鄭松泰都有出來，但佢只係企晒一邊拍攝同暗中幫人，唔會好似犯民咁跑出來企前排自拍扮大佬搶光環。
點解睇落好似好多人都憎熱狗？
因為熱狗經常指出犯民嘅問題，唔肯埋堆，而且熱狗傾向勇武，販民係和理非非，根本路線唔一樣。但犯民怕熱狗搶佢光環同支持者，所以無論底面都打熱狗。
不過，黃洋達講野鬧人太直白，陳雲有時又神神化化，普通和理非唔係咁易接受。
唔難承認嘅係，2014年雨傘嘅時候大家嘅覺醒程度冇而家咁高，比較偏向和理非一邊，自然對黃洋達領頭嘅熱血公民抱有唔大嘅好感，甚至反感（咁老老實實，黃洋達個feel又真係似打爛仔交嘅😂）
睇晒成篇就會發現，我唔信販民，但我希望大家唔好誤會我係熱狗打手，我只係希望大家唔好被連登入面嘅風向影響，認為熱狗就係原罪，做乜都要屌。其實示威嘅時候出美國旗、G20去大阪請願、而家暫時停一停俾時間美國做嘢都係陳雲提出（強烈建議大家去search下咩叫陳雲風火輪😂）我認為只要任何一邊能夠提出有助整場革命嘅建議都應該要被接納、被聆聽，唔可以因為單純一句「仆你個街熱狗嚟嘅喂」就扼殺咗任何討論空間。
P.S.其實何韻詩喺我心目中同販民係一樣，不過再打落去就太長，而且可能po完呢篇嘢之後我就會俾人屌到收咗皮，所以遲啲先啦( ´▽｀)
