[221地鐵尋人] 當車到站褲鏈未到站。。。。
香港都會大學
[代朋友po]
我想搵返個好男仔，同佢講聲多謝！
2月21日，晴，下晝大約1點左右我搭地鐵東涌綫往香港站方向。咁到站我咪落車，行出車廂不久，聽到後方有位男士的聲音叫停我：小姐小姐，想問下你呢個地方點去？
聲音愈黎愈近，我回頭一望，見到一個打扮似大學生，(好似身穿綠色的衛衣)，頭頂cap帽，佢用手機顯示了一句(大約係) ：小姐，你未拉好褲鏈🤣🤣
我當時呆左，係呆L左，我原地站立左10秒，手按下方，當我拉好鏈之際，再抬頭一望，佢已經搭左扶手電梯去緊大堂，我追都追唔切。。。
未到站真係一件好尷尬既事，係你令件事變得好窩心，謝謝你，可以既話，想親口同你講聲多謝。
