男朋友啊媽逼我打疫苗
香港知專設計學院
先簡單交代下時地人事背景先，我同男友一齊咗半年左右，我男友係一隻港豬，佢啊媽係深藍到不得了而又有啲情緒病既愛國「同胞」💀..
當中因為我屋企有突發事情發生，有好幾個月都要逼於無奈之下暫住喺男友屋企先。
而佢媽媽係嗰類思想比較守舊(媳婦一定要事事都照顧佢個仔，以佢個仔&家庭行先，將來有小朋友就最好全職留喺屋企做家頭細務，湊小朋友etc)，會覺得我有啲地方照顧得我男友唔太好而對我有微言(例：同男友分工合作做家務，佢覺得應該要我做曬先啱)，所以間唔中同佢都會有摩擦，亦都係點解佢啊媽會成日都管埋我一份既原因。
-今次事件既導火線-
男友自細身體唔好，郁啲就會發燒啊病啊咁，所以今日我同佢都去咗睇醫生，番到嚟佢啊媽就開始囉嗦下我男友點解身體咁差啊之類，之後重點來了...
佢開始問我地幾時去打疫苗，我同男友都冇出聲，因為我地冇諗住去打，跟住佢係咁叫我地打，仲開埋個網教我地點預約，本身都打算敷衍下就算，點知我碌碌下手機佢走嚟睇我係咪預約緊打針，見我挽緊手機冇理佢，佢又係咁講點解唔打針啊之類，仲差啲攞埋佢手機過嚟想幫我地預約.. 嚇到我求其話公司未出更表，未知邊日放假可以打針，佢先暫時了咗事...
而另一樣最煩惱既野係，我聽日就可以搬去新地方同番屋企人住，所以可以唔駛再住男友家。
男友媽雖然對我有微言，但當中有一段時間我去朋友屋企暫住，冇去男友家住，佢會wts係咁問我點解唔番去瞓，係咪唔中意佢(其實佢啊媽有啲當我係免費工人咁點我做野，會係咁講「你唔好嬲喎，叫你做野係當你自己人，當你客就唔會比野你做啦」，而我冇番去瞓，屋企就冇咗個人幫佢做家務 & 佢成日以為我嬲佢/我唔中意佢，但 係我怕咗佢就真)
搞到我而家兩頭唔對岸咁🥶想番自己屋企瞓好耐，但最近先搵到地方搬，聽日先攞鎖匙😩唔想再比人係咁管呢樣管嗰樣，我屋企人都唔會咁對我..同埋我唔想再比佢問我打咗針未/問我點解唔上去瞓😩😩😩😩😩
