放題時請珍惜食物
話說尋日去咗食韓燒
一個價錢任食兩個鐘嗰一種
喺食緊嘅途中見到一啲我好反感嘅嘢
有對後生係情侶坐咗喺我哋隔離
佢哋一坐低就攞咗好多生肉
佢攞嘅份量同我哋三個人嘅份量係差唔多
初時我諗住可能佢哋諗住攞多啲唔使行多轉
加上我好專心食嘢都冇特別留意佢哋
直到大概一個鐘之後佢就走咗
嗰陣時放題時間仲未完
佢哋成枱擺滿曬燒燶咗嘅嘢食
全部都燒燶咗
無論係碟上面定係爐上面都有好多
好似每樣嘢咬咗幾啖冇耐性燒就走咗
好折墮
先唔講韓燒本身係需要少少耐性
但唔應該咁樣浪費食物
講緊呢個世界仲有好多人嘢都冇得食
可能我哋嘅一餐對佢哋唻講
已經係三餐甚至更多
無論係咩形式嘅放題雖然話任攞
但係最起碼攞幾多你應該要食幾多
你話頭一兩件燒燶咗食唔到
或者攞咗小部分返嚟之後發覺好難食而唔食
我都仲可以接受到
但係你攞一大堆嘢食返嚟然後全部燒燶曬
跟住咬兩啖食唔到就全部唔食走人
咁就真係好過份
仲要佢哋唔係老一輩
嗰啲鍾意食嘢食淨幾啖嘅人
唉...
所以放題嘅時候
如果遇到一啲我未食過嘅嘢
我通常只會攞好少試下佢嘅味道如何
避免攞太多發覺唔鍾意食就浪費
就算打邊爐任點牛肉
都係盡量食幾多嗌幾多
唔好一次過嗌太多費事最後食唔曬
其實糧食資源都冇我哋想像中咁充裕
就算我哋唔受影響都當為下一代著想
拜託大家幫幫忙🙏🏻
