太在意"朋友"？
香港大學專業進修學院保良局何鴻燊社區書院
（長文sor for1999)
事源之前返工識咗個同事，發現大家都幾啱傾咁就做咗fd乜都傾，而且大家都有迪士尼全年證就約出去玩，一直都有keep住約出街，到我哋返工果間公司突然間執咗要急急腳返工，咁我搵到間公司新開舖又請人問佢做唔做，大家都做咗但返唔同地區，所以唔會成日見到面，咁我哋都會keep住一個月約起碼一次出街去玩。
我哋識咗2年幾但完全冇一齊影過相/po 過story，雖然我都唔係會成日po相影相嘅人，但係間中出去玩都會打吓卡tag埋佢，但佢完全冇回應/轉發，直至有日出嚟我竟然見到佢ig story 隱藏咗我（因為啱啱影咗張佢話想po story 我睇自己ig諗住睇吓張相但係見唔到，佢show俾我睇po 咗啦，佢開隱藏嗰行我喺隔離見到）我用講笑嘅語氣問：有咩秘密唔比得人睇阿，佢冇正面回應我問題就轉話題。
佢唔會po同我出街嘅嘢，但係會po同其他fd去玩嘅相。
有日佢show比我睇咩呢間嘢好食阿，點知突然有個wts係頂彈出嚟個句內容係我嘅壞話囉，個刻我係扮睇唔到嘅，但係心入面都好唔舒服，甚至會秒回人哋，但直情唔應我機。
可能我太睇重佢啦，但原來我只係比普通朋友更普通嘅同事☺️
（呢篇文好似打得太似情侶，但不要想太多，只係覺得自己太在意朋友想訴苦）
