宜家大家主要都係用社交軟件同人聯係，由於聽唔到對方嘅語氣，所以單單一句文字，唔同人就會有唔同嘅解讀。
好似：係咪架？
你係咪唔知我係好奇定其實hea緊你呢😏？
我以前用Whatsapp同人傾計，特別在意標點同用詞，因爲我怕傳達唔到我最真實既想法。
結果換來一句：“我覺得你講野好嚴肅，太正經啦！”
但係，我明明就冇咁嘅意思，我嘅想法大概都冇好好咁傳達過😅。
之後，我就遇到一個人，佢教識我用emoji。
然後，我就瘋狂迷上使用emoji，而且透過唔同既組合就可以表達到我嘅當下既情緒。
比如：
係咪架🤔🤔😶（認真懷疑mode）
係咪架😂😂🙈（好好笑）
然後我去左台灣讀書，用Line，佢好神奇咁有樣野叫貼圖。
一個貼圖就包含我想表達嘅野，適合我呢D懶人👍👍。
所以我變左極度喜歡用貼圖，尤其係Gif圖，佢可以幫助我更好咁表達我當下既發言狀態。
有時見到D好笑嘅表情包都會存低，總覺得自己有一日會用到💪。
（結果係，D梗好多都係得我自己先明白😅）
好似呢D：
