大家有冇一個行為有點怪異的伴侶？若有，點怪法？
香港都會大學
（我係一個20歲男仔，我借我朋友account嚟呢到發文）
我今年20歲，有個拍咗拖大約一年的女朋友，佢對我好好，好遷就我，我都有視佢為結婚對象，但佢有啲奇怪行為（一般人唔會做嘅野），我想係到分享下，睇下有冇人嘅伴侶都好似我女朋友咁？
我第一次發現佢奇怪的行為時，係大約幾個月前，嗰時係佢生日，我問佢有冇咩禮物想我送俾佢，然後佢對住我笑，仲話：你大約一個月前咪剝咗四隻智慧牙嘅，你當時係咪留低咗嗰幾隻牙？我想要咗佢。嗰下聽到，其實我好開心，所以我最後俾咗佢，但佢竟然瘋狂到打開個瓶蓋嚟問下陣味，我叫咗佢唔好，佢都係要打開佢，哇，一打開咗，陣味真係仲臭過垃圾房啲垃圾，我叫佢唔好咁戀態，佢就扁嘴，一臉無辜嘅樣，對住我講：你係咪厭棄我？我愛你呀，一個人一生得四隻智慧牙，將來就算我們不幸分手了，你跟其他女人結婚了，她也不能再問你拿你一輩子只得一次的（四隻）智慧牙，我要永遠擁有你嗰四隻牙。嗰刻聽完，心都暖晒。不過，我女朋友之後有更多怪異行為：
嗰次之後，佢有時會上下我屋企，佢愈嚟愈夠膽對我做啲奇怪嘅事了，有次，我同佢講我之前流鼻血，佢就答我：我好心痛呀，不過下次如果你再流鼻血，你可否留低你嗰張抹鼻血的紙巾？然後送張紙巾俾我？我聽完，嗰心真係有啲驚，佢竟然瘋狂到想要沾有我鼻血的紙巾，所以，我忍唔住答佢：你好核突呀，乜你有呢啲癖好架？佢又扁嘴，喊住答我：人地都係鍾意你咋嘛，鍾意一個人，就會想要佢嘅所有野，就算將來我們分手了，我也會永遠永遠留低你啲野，我要永遠記住你。之後，又有一次，佢仲話想留住我剪咗出嚟嘅手指甲同埋腳指甲，又要留住我剃出嚟的體毛（例如：胳肢窩毛，腳毛，鬍鬚）。我有次上過佢屋企，有好多個細細的瓶放住我唔同嘅野，有放我那幾隻智慧牙的，又有放我沾有鼻血的紙巾，又有放我手指甲及腳甲的，又有放我體毛的，又有放我耳屎的（有次佢話要幫我採耳屎，我以為佢採完就算，點知佢竟然放我啲耳屎入個瓶到，仲一直保留住佢地，放係屋企「欣賞」）。
佢仲好鍾意成日用舌頭賴我隻著咗鞋好耐（出完街）嘅臭腳，又成日用鼻聞我啲出過大汗既衫同埋襪，我覺得好尷尬，我有叫佢唔好咁，但次次一叫佢，佢就扁嘴，同我講：我係真係好愛你先會咁做，我要永遠保留住你啲體液，身體的每一部分呀，我愛你，你唔好嫌我變態！😫😫
我承認：對於佢咁錫我，我係好開心，不過由細到大，真係冇諗過呢個世界會有人做呢啲舉動，更加冇諗過自己女朋友會做出呢啲「怪異」行為。我都愛佢，但我唔會好似佢咁囉，如果將來結咗婚，都唔知佢會否有更多怪異的行為。不過，除咗呢樣野我有啲唔習慣同埋唔接受，係其他方面，我都好滿意佢❤️
其實，呢到嘅大家有冇男/女朋友都好似我女朋友咁😭😭？或者都聽過朋友係咁？就算冇（以上）呢啲行為，伴侶有冇其他一啲「怪異」行為，係你地有啲唔習慣同埋唔接受到？好好奇想知，多謝睇到呢到嘅大家，更多謝願意留言分享的每位，謝謝你們🙏😊
