由細到大 阿媽唔知點解好識得搞死我同細佬🤷🏻‍♀️ 例如：發明新菜式 一食完 我同細佬永遠輪流肚屙 但佢自己永遠冇事 洗衫 係都要莫名奇妙洗壞我最鍾意嘅衫 講過唔好再落漂白水落去 駁翻你話殺菌消毒 明明病緊 瞓緊係睡房 叫佢一陣唔好打搞我 結果有個阿姨過咗嚟 直接帶埋佢企係睡房門外 大大聲指指點點岀面嗰樓盤起成點😇 然後呢一刻 我因為一個擺咗係室溫超過10個鐘嘅早餐 但阿媽為咗唔浪費 第二日翻熱比翻我食 搞到腸胃炎🙂燒足幾日 屙足幾日 仲瀨係我成日岀去同朋友食飯先搞成咁 迷信到話係因為我農曆七月岀咗個一次夜街 俾啲唔乾淨嘅嘢跟住先病 我覺得我生存到呢刻 都係奇蹟🙃 唔知各位嘅屋企人又伏唔伏？