比個8歲嘅表弟偷曬啲利是🙂🖕🏻
香港大學
琴日姑媽成家上嚟我屋企拜年啦
有個8歲嘅表弟🙂🖕🏻
我啲利是不嬲收完就擺番入間房嘅櫃桶到
都唔會特別鎖房門
咁到姑媽上嚟之前 我就襯仲有時間沖咗個涼
點知沖耐咗 沖完出到嚟已經見到姑媽姑丈坐咗喺廳
咁我就問「表弟呢佢唔舒服冇嚟呀？」
我呀媽就話 佢入咗你間房呀😁
其實我聽完都燥燥地 有咩可能放佢入我間房😃
不過算新年流流 唔想話人
我入番房見到表弟 問佢做緊咩
佢就話睇緊我同啲Fd嘅合照（我癡曬啲相喺牆到）
我就話 快啲出番去同長輩拜年啦
咁我都冇特別為意啲利是
一嚟 大個咗唔太在意利是錢
二嚟 冇諗過個細路會偷🥶
到佢地成家走曬之後 我就番番房做自己嘢
一打開櫃桶發現啲利是封打開曬 入面係吉嘅🙂
已經同老豆姑丈講咗呢件事
但都覺得好戇鳩 所以同大家分享下🤢
你地最怕邊種親戚上嚟拜年？
