地獄level🥞🥚理想vs現實😭

香港浸會大學持續教育學院

Recap

我由中學家政堂開始已經係地獄廚神😇 原本都唔諗住再煮嘢😂 但係男朋友講咗幾次想食我煮嘅嘢，所以我又重新踏上地獄料理之路😈！諗住整一樣簡單嘅甜品氹吓男朋友仔🤍 決定咗試最易整嘅 pancake🥞 去買咗預拌粉 😌 心諗：掂晒啦！咁簡單～點知….. 👇🏻☠️

（雖然賣相有啲醜，有浸燶味，但係我都有食晒😹）。好明顯地第一次失敗咗👼🏻 ————————————————————— 上次自己懶醒，又懶得磅材料份量🙅🏻‍♀️ 又冇乜耐性，一下子開咗最大火煎所以中間都未熟就燶晒💩 好啦！吸取左第一次嘅教訓琴日早餐又再挑戰多次 pancake 🥞 有改善晒上次所有嘅問題又諗住一定成功⋯⋯

本身都幾靚㗎🥲🥲 但係結果反轉嗰下，自己撻左Q😭 都唔緊要啦，諗住另一面煎得靚仔啲都可以補救返但係……

原來另一面仲衰最後結果就變成咁樣⋯⋯

呢一次個賣相真係醜出新高度😳😢 似垃圾 🚮 🥞：I’m on the NEXT LEVEL 諗住學人哋搽啲朱古力醬喺上面會遮到少少醜🤏🏻 理想圖👇🏻

但係結果就係唔整好過整😂😰⋯⋯

好似有啲狗屎喺上面咁😱 簡直係垃圾 + 🐶💩！

（放心，我有食晒。其實今次味道係好過上一次嘅只不過係個樣衰啲姐）

———————————————————— 其實琴日嘅早餐仲加咗兩隻烚蛋🥚🥚 點都冇諗過咁簡單都fail🤯 請睇圖：

我真係做唔到一個入得廚房，出得廳堂嘅女朋友😭😭 琴日真係盡咗力，下次再努力過啦～ Btw 我男朋友係廚師佢話平時煮得太多以後放工返屋企想食我煮嘅飯😖 佢睇完我整嘅早餐之後，佢都嚇咗一跳😳 喺佢面前整甜品簡直就係獻醜因為佢去過外國留學幾年讀甜品course 其實正常人都唔收貨啦🤣 何況佢係專業嘅不過 BF 話好想食下個個嘅垃圾狗屎pancake 我估佢應該都係講笑嘅啫😂

—————————————————— 喺呢個艱難嘅時刻，同大家share一下自己啲「傑作」希望大家睇完之後，心情會放鬆一下病咗嘅朋友，祝你地早日康復❤️ 祝願大家都身體健康🥺 每日都開心幸福快樂～香港人一齊加油🤍