翻新工第九日resign左 究竟係咪一時衝動
香港浸會大學
事源當初收到呢個offer都好開心
fg有15k同埋有員工canteen可以省翻好多錢
但係因為頂唔順上司所以第九日就resign左
想問下大家意見我係咪辭得太衝動🤥
———————————————————
原因1. 無限ot
Contract寫翻9-6
但係佢第一日就同我講其實我要8點9翻到去
加上每日都要最少ot到7點
我試過7點半先走😮💨
翻到屋企都8點半 食飯沖涼就差唔多到訓覺時間
覺得自己好似行屍走肉
利申 ot冇補水
原因2. 上司好西
上司係完美主義者加強迫症
都唔緊要
但係佢要求我學嘢好快同工作效率高
當下聽到覺得有負擔但係我願意去嘗試
咁佢一開始有比啲task我做
但係似乎唔太滿意
去到我返工第八日嘅時候
佢直接話我 我做嘢冇責任感唔上心
以我依家呢種工作態度係冇可能過到probation
((我態度差仲會幫你日日ot個幾鐘咩…
原因3. 冇嘢學
我明可能有部分人認為返工係幫公司做嘢而唔係學嘢
但係對於fg嘅我黎講 我多少抱持學習嘅心
但係呢個role要我負責嘅嘢唔多
((過左proba都一樣少
我之前翻intern負責嘅嘢會仲多仲專
變左我覺得自己繼續落去 啲知識會倒退
萬一幾年後想轉工 其實已經轉唔到
————————————————————
希望各位社會前輩可以比下意見
唔該曬~
