冇屋企返點算好，唔通要瞓街？

香港中文大學專業進修學院

-更新狀況- 唔知喺度打會唔會有人睇到今日成個下晝都好忙咁搬緊屋企啲嘢去迷你倉，所以冇上到嚟睇，但我真係好感謝大家嘅幫助同關心，講真琴晚真係喊到pk,多謝大家咁溫暖嘅留言😭😭🙏🏼 目前狀況係會留係frd屋企多幾日先，因為frd睇到我呢篇嘢知道我想搵宿舍搬，佢地成家都擔心我一個女仔有危險，肯收留我😭😭好想係度多謝我天使朋友💗 另外，睇到大家啲留言之後我決定聽日會搵阿叔講呢件事，希望唔會煩到佢😞 最後最後，想多謝天使一般嘅大家，你地好有愛😭😭😭😭😭😭😭😭萬分感激！！！ -----下面原文----- 。。。屌依家臨時去咗frd屋企瞓一晚，但之後都唔知點算好... 以下長文😭跪求各位幫手🙏🏼🙏🏼🙏🏼萬分感激先講背景：父母係我好細個嗰陣就離婚，冇幾耐老豆走埋，阿媽就再嫁，所以自我懂事以嚟都同嫲嫲同阿叔一家人住不過上年我嫲嫲走咗，阿媽就話阿嫲唔係度唔好煩住人，不如搬去同佢住（佢又再離咗婚，自己住緊）阿叔一家人叫我繼續住，但阿媽就好堅持想我搬去佢度，最後演變咗佢地鬧交，阿媽話佢地霸住佢個女😅 我唔想阿叔難做，加上我都想有啲私人空間所以就應承咗阿媽 . 嚟到今日都一齊住咗一年最近阿媽停工，日日都係屋企，佢開始咩都睇唔順眼，我上堂話我嘈住佢，連做運動都唔得，話我嚟跳去阻住佢，佢仲成日冇問過我就掉我啲嘢，上次掉咗我個hard-disk，入面有好多相🥲 . 我忍唔住同佢嘈，之後都冷戰咗兩個禮拜點知我今日返學校交完功課返到屋企發現門鎖開唔到，我打俾佢又唔聽，轉頭就收到佢wtsapp：『你都係搬走啦，我覺得你唔適合同我住，唔好怪我，不嬲都唔係我照顧你，我唔識得同你相處，明天上嚟執走你啲嘢。』 . 我唔知可以搬去邊，阿叔一家人一月移咗民🤢我完全冇地方可以去，同埋我冇錢搬屋，唔通要買個營瞓街？或者有冇啲地方係可以即刻申請住又平？有睇過青年宿舍但好似要在職？？啊！！！！！！好想喊，好想嫲嫲仲係度😞