好後悔之前欺凌人
利茲大學
如標題所講
我係小學一年班嘅時候欺凌過一個女同學，我同佢都好細粒，排隊佢排第一我排第二，佢好靜，同班上嘅人都冇來往，但都冇人對佢有咩意見，我嗰陣時唔知係唔係因為佢個樣好奇怪所以唔太中意佢（？）淨係記得有一次搣佢搣到瘀咗， 有幾個學姐因為佢好細粒好鍾意佢，見到佢手上面瘀咗就問發生咩事佢就指住我話我搞嘅， 個下都淨係有啲心虛冇其他內疚嘅情緒。下一年唔知係因為我定真係咁啱佢就轉左學，我都不以為然冇咗件事，係去到高中睇到啲被欺凌嘅文章，回想自己有冇咁樣對過其他人就諗反起，開始內疚同咪好想知佢依家點。 依家都大學畢咗業，呢幾年時不時都會諗返起呢件事同呢個女仔， 同好討厭自己當年點解會咁惡毒。
雖然話而家科技發達，但要搵一個十幾年前相處過9個月嘅6，7歲人都唔易，我仲記得佢個名，但唔知應唔應該係網上公開讀小一個年份同佢個名同小學名去搵佢。 雖然唔知道佢仲記唔記得我或者依件事， 但我驚我有可能會對佢成世人造成影響一直耿耿於懷，都有可能人哋用咗好耐時間先去忘記我又咁提返出嚟做乜。
其實講返呢件事就係想知道有冇影響佢同想講反聲對唔住，雖然以我自己嘅記憶就淨係搣左佢幾次， 但都唔知道我有冇唔記得咗做過嘅其他嘢，同埋就算我以為好少嘅事都好大機會對佢嘅人生造成好大影響。 最後真係要提醒大家唔好亂咁對待人，當之後諗返起嗰種內疚嘅感覺會持續去纏擾你好辛苦同會好唔開心。
sorry for 1999
