有個迪士尼工作人員堅顛覆人對迪士尼嘅幻想
我今日同一班小朋友去迪士尼去參加佢地嘅工作坊，入面有一part嘅環節就係去學點樣畫畫。好啦，一入到去已經好趕，見到出面有其他人排緊隊，唔知佢地啲時間點安排，總之我地係十分鐘裏面畫完，趕到呢…連之前普通參加依啲畫班，都唔使趕到咁……
咁小朋友一聚埋一齊就總會有幾個嘈架啦，咁果個工作人員（負責教畫畫）叫佢地「收下把口」都正常嘅，咁後尾有個小朋友問話點解唔可以用擦膠嘅？之後果工作人員就話「頭先咪講左無擦膠用囉～！係咪無留心聽清楚！？」（但係呢，我想講，果小朋友唔係話點解無擦膠用，佢係問點解唔用得擦膠）果個工作人員重複左講幾次，強調話啲小朋友唔聽清楚，我估佢應該get錯果小朋友嘅意思。
咁重點黎喇，佢小朋友問話「點解姐姐你畫得咁靚嘅？」我完全無諗過個工作人員竟然答話「梗係啦，我日日番工，日日都要重複咁畫，梗係靚架！」（其實我都唔係好記得佢講咩….😂）總之呢，我係完全無諗過一個迪士尼樂園入面嘅一個工作人員竟然會答啲咁嘅答案，答到佢勁似一個社畜，番工番到好辛苦。但係呢，咩明明迪士尼唔係一個話係一個充滿夢想嘅地方，同現實完全唔同架咩？！同埋我見人地迪士尼話只要你問果到啲人問題，佢地就一定會答到你一個你滿意嘅答案，如果佢唔識答就會去問人，直至答到。
總之呢，我今日嘅經歷真係刷新我對迪士尼嘅睇法….
同埋呢，我想講佢喺10分鐘要畫完一幅米奇老鼠，啲小朋友跟本就完全跟唔上，都未畫好就到下一個step，之後有好多小朋友畫完之後都自卑…..佢地同我講「唔好睇我幅畫啦，畫得勁樣衰」……
堅無言🫣🫣🫣🫣
