當你係老闆個女⋯⋯
香港城市大學
我屋企開舖，雖然係小生意但都一定好賺過打工
讀書嗰陣耐唔耐都幾返幾日
到我grad時因為公司人手短缺
咁焗住幫屋企打工仲拒絕咗幾個人工唔錯嘅Offer
點知惡夢來了🫠🫠🫠
絕對唔係大家諗嗰啲老闆個女打橫行
而係當老細就係你老母=公私生活都比人管住晒🤦🏻♀️
返工差唔多10pm先收工咁晚晚都同阿媽一齊收工返工
冇晒自己私人時間
終於有一放假可以同朋友去飲嘢，飲到1、2點
第二日我明明係返1pm，11點未醒就比人diu到上天
放假出去玩，第二日返工就講到我因為前一日去玩就影響晒公事咁
每一次我放假，佢哋好忙時都搞到我好罪疚，好似大家忙到飛起時我就吃喝玩樂咁
痴線到我夜晚玩電話到1點未瞓就話我作息問題影響公司
公司做嘢出錯都係因為我一個人唔用心造成咁🫠🫠
我：❓❓❓❓
嗰種返工比老細屌，返到屋企又比老母管，24小時同時比人屌嘅感覺真係生不如死⋯⋯
依家返工放工喺屋企都黑我面，正常人收工返歸係自由時間可以盡情做自己想做嘅事
我就收工hea=我工作態度惡劣
我真係想盡快離職😮💨
明明係你逼我返工頂人手短缺，依家講到我有份工係恩賜咁
大家可以真係唔好返屋企工🫠🫠
