可唔可以分享下大家對”妹豬”依個字嘅睇法
香港樹仁大學
唔知由幾時開始，妹豬依個字開始多人用
雖然目前未喺現實聽人講過
但喺text/post都不斷見到
我個人對依個詞其實幾反感，甚至覺得有啲嘔心
“因為佢地xx，所以呃曬啲傻妹豬”
“(某女團)啲妹豬就唔同啦”
“睇完發現(某女團)啲妹豬又幾好睇”
“啲妹豬越睇越上癮”
但因為我個人對傻女、啊女依啲詞都幾反感(除非係由親戚長輩講)
不過知好多人都用，所以有盡量改變下concept
“啊女聽我講啦，xxx”
“傻女，咁樣你都肯？”
“女啊，信我啦，xxxx”
依家見到依啲都會覺得係佢地嘅口頭禪
但對妹豬，我真係覺得好反感同嘔心
可能因為目前見到講妹豬嘅都係男性，所以更反感？
講唔出嘔心嘅位
只係本能地討厭依個字
亦唔明依個字實際意思係咩
有朋友text嗰陣用依個詞，我會即刻唔想覆
但又覺得有機會係我過度反應
所以想問下大家對”妹豬”依個字有咩睇法？
可能我會容易啲改變心態🙏🏿
