放榜 我推開左攬我嘅母親

香港中文大學
quit u retaker 等開學中 近排見到啲po話屋企人好好 好多謝佢地 同埋私補見到小朋友同家長傾計好開心 我都會有啲感概 似乎我從來都感受唔到親情、無共情能力 好似個腦就係天生有種缺陷 曾幾何時 我都試過會第一時間諗到父母 但依家諗返 我對父母嘅記憶其實唔多 大概係細個workbook錯一題打一下 被逼住唔鍾意食嘅野 嘔完食 食完嘔 母親食飯喊住係咁重複老公唔比家用我 去到高中 我已經唔知咩係親情 每次同佢地講野都只係要簽名or交錢 好似對住兩個同居嘅陌生人咁 而我最多算係個有父母養嘅孤兒 呢個時候 母親好似變左個人 由打我 攞我發洩中年婚姻不幸 變成對我獻殷勤 我唔知咁樣到底算係咩 補償?反省? 我只知道自己對佢依然係一啲感情都無 既無童年虧欠嘅委屈 又無對佢依家百般呵護嘅感激 第一次放榜當日佢好開心攬住我 話我完成左佢當年心願入到大學 但我只係覺得反感 即刻推開左佢 至於父親 除左係一個煙鏟之外 成日老鼠咁做埋啲小動作搵存在感 幾十歲人夾聲扮tum小朋友咁講野 核突到嘔 唔理佢又無能狂怒 只可以話係自然選擇嘅漏網之魚 我小學佢試過自己一個去旅行 而我日日早餐食緊饅頭+煉奶 晚餐食緊冬瓜湯撈白飯 我對住佢已經無咩情緒波動 得返最冷靜、最純粹嘅敵意 我無信心挑戰法醫 無奈放棄 以前見到啲家庭爭執po 心入面仲會笑人成日因屋企人影響情緒 我以為佢地多愁善感 原來佢地係幸福 我以為嘅意志堅定 原來係心理變態 一切命運嘅饋贈 真係暗中標好左價碼
LikeSadHaha
318
43 comments