黑店？Ig shop 7.49

上個月係呢間叫7.49嘅ig shop買左兩件衫。其實我已經係佢地鋪頭買過幾次，幾乎係由佢地開店早期到依家都有買開。之前仲俾過好評相佢地開post做宣傳。但係完全無諗過會甘。

上個月8月19就俾左錢，同我講話要等7-21日。

結果我等左好耐都一直冇消息，直到19號啱啱好一個月我先忍唔住問。點知就嚟料。佢地直接已讀我訊息，之後就無再理過我，連讀都唔讀。

老實講我真係一直都幾鍾意呢間鋪，佢哋嘅style 我喺香港幾乎係無見過。我諗店主都係學生？通常開sem嗰陣就唔會po嘢，完sem嘅時候就會勁多post不斷上新。但係我都成日等成日昐住佢地上新。你話我係無禮貌催貨就話姐，但我已經過曬成個月，先問左一句。假假地都叫做支持左你地好耐，點解會甘樣對熟客呢？個兩件衫我期待左好耐。有貨又好無貨又好，係咪可以覆下機俾個解釋我呢7.49am店主？希望大家真係可以幫手推下最好推到個店主見到出嚟解釋為止。我件衫我真係幾鍾意等左好耐，你真係無貨你就退返錢俾我。有貨你就麻煩快啲出貨俾我同埋解釋下點解要已讀熟客。但無論點都好，我都唔希望我嘅相再出現係你地ig page到。