［微恐怖］頭先旺角見到個女仔...

香港職業訓練局

頭先係旺角，見到個女仔，戴咗口罩，單睇整體係中上。（我係唔會偷拍既怕羞仔，唔好問相）佢着到全身粉紅，主題係melody（粉紅色兔仔）配色同小logo既洋裝，着住短裙，孭住melody小背囊，墊好厚既黑色皮鞋，綁住孖辮。唔知樣既情況下，係好吸睛，又可愛既，加上身材都唔錯。睇到咁上下，我都唔想再太刻意望。但呢段時間總覺得有啲唔對路，搞到我瞄多咗兩次。。。

愈瞄。。。我就發現，佢個手肩有啲野。。。黑色，一條條。。。咩黎？手毛？咁長？？？？佢着咁靚女但留呢到一束長毛毛？？咁奇怪既？毛蟲？唔似，無咁大條。萬聖節？但又好粉紅好靚喎。。。。蜘蛛腳？？？可能係。。。有少少似。。。

一路諗，一路行，因為轉彎位，行近咗。。。再偷瞄。。。

原來，佢𠝹手。。。。𠝹完手，再用黑線自己縫番個傷口。。。

當年我都係中學見過啲女同學𠝹到花晒，但我第一見佢到人𠝹完用針線縫。到底咩原因搞成咁。。。當下覺得佢咁粉紅切開係黑。。係咪叫地雷系。。唔知點講好。。。