究竟宜家啲人係痴線定係我白卡咋？
香港大學附屬學院
👵=五十幾歲嘅中年去asso進修嘅大嬸
(代友投稿) 以下係內容:
是咁的,我個朋友琴日因為放假唔洗上堂,所以去咗陪我喺學校hall上lecture,喺朝早嘅時候,我就同佢一齊坐咗喺第一行(圖1)。然後喺放飯時間,我食完嘢就上翻去個hall坐低[大概13：00],咁我想同 同學A 同埋 同學B一齊坐,就去咗佢哋隔離坐(圖2),因為我見到疑似係👵嘅水樽喺個座位度,咁我就將👵個樽移咗去👵件褸果個座位度。去到就上堂嘅時候,👵就食完飯,孭住書包翻咗嚟[大概14：20],好大聲咁講:「喂,你唔可以霸我個位嘎喎,你見唔到我啲嘢喺度咩？唔該放翻去原位同埋比翻個位我坐吖！」
喺呢個時候,我為無經過佢同意之下移動佢啲嘢而道歉並放翻過去,但係我亦都有反駁佢,話成個hall啲位係比全部人坐,個個都坐得,係先到先得,唔係放個人物品喺座位度就叫做個位係你嘅。然後我因為費事同佢嘈同埋唔想阻住個堂嘅進度而退咗一步,坐翻喺原位,但係👵依然係霸咗兩個位(1個for自己坐 ,1個for擺嘢)。
喺呢件事入面,我真係大開眼界,原來啲人可以咁無賴,好似身處大陸咁,用物品嚟霸位。其實之前有幾日我都遇到過佢,佢次次都用物品霸位,係我問佢可唔可以比我坐,佢先讓其中一個位比我(情況係喺就嚟坐滿全場)。我承認自己係有問題,不過我真係下唔到啖氣,佢根本就係喺度倚老賣老,打横嚟講。之後我仲要同👵一齊上堂,點好？
(我好想公開佢張相比全部人知道,不過我費事有手尾要跟就唔po啦,希望大家可以評論下是非對錯🙏🏻🙏🏻）
（第一次投稿,sorry for 1999,不喜勿插🙏🏻）
