香港中文大學

(女仔入!)男老師應唔應該關心女同學嘅月事?

我啱啱入職做中學老師,同學校啲同事都仲未係好熟,何況呢種有關性方面嘅事更加唔知點樣開口問人😥長話短說就係,作為男老師見到女同學因為月事而唔舒服唔開心,應唔應該關心問候?又或者咁講,如果男老師咁做,女同學會唔會覺得係冒犯,甚至性騷擾?所以想女仔用你哋嘅第一身角度話比我知。 我宜家係中一班主任,我諗唔少女仔應該都係中一呢個年齡層第一次M到?就呢個禮拜,有兩次我上堂有女同學突然舉手話唔舒服要去廁所,兩個都係行出課室果陣校裙已經染血咗,所以兩次我都叫咗女班長陪佢哋去廁所幫手。去完廁所返嚟之後,一個就眼紅晒想喊咁(後來聽女班長講佢因為係全班面前污糟咗條裙覺得好瘀),另一個就一直話肚痛好唔精神(應該係M痛)。作為班主任見到佢地唔舒服唔開心我都好心痛,好想問候下cheer up下佢地。另外都想話比佢哋知要堅強要長大,遇到呢啲情況可以隨時搵人幫手唔洗自己一個死撐。但我就係唔知自己係咪唔應該去關心呢個女仔嘅私事?所以最後都係噓寒問暖咗兩句就完。我唔係女仔,當然我冇辦法提出一啲解決方法比佢,但佢哋都只係中一生,作為班主任我覺得自己應該心理上support佢哋多啲,特別係教我哋班嘅大部份都係男老師,冇乜女老師,擔心佢哋會唔知搵邊個求助同埋傾訴
LikeBowHaha
404
54 comments
Post information