被非禮 男朋友想分手

今日係逼到傻嘅繁忙時間搭地鐵 有個男人正面貼我背脊企我後面 本身已經覺得吾對路 望左幾眼希望佢會自動自覺移開啲 點知佢郁佢碌野 我心諗係咪只係錯覺 之後佢突然又猖狂地郁咗幾下 一開門就衝咗出去 走咗 同男朋友講返 佢就話我點解吾大嗌吾報警 我話我驚 同埋冇證據 到時錄口供 坐係警署幾個鐘 換黎既只係口頭警告 咁有咩意義 佢就話我價值觀好有問題 如果換另一件事 屋企比賊入屋 老豆被捅傷咁你又點 嫌麻煩?吾入案? 但兩者跟本吾同 我覺得冇得比較 佢又話如果我今次吾理呢件事 下次就會有下一個受害者 就係我既懦弱 令壞人仲可以做壞事 但我真係好驚 之前我都有報警告過一個人 但個個人只係口頭警告 警察話冇cctv 而且係我郁手先_扯衫 但我之後仲有比被告同其他同伙騷擾 搵到我新工作既地方 所以我點會吾驚? 我告左咁又點 邊個會理 壞人真係可以受到懲罰? 我吾信 男朋友覺得我價值觀有問題 我想理論 我想佢先安慰我 我吾想啱先經歷完咁既事仲要比人鬧 佢就覺得只係教返我嘅價值觀 而唔係鬧緊我 覺得我好有問題 我唔想再同佢嘈 就吾聽佢電話 佢覺得煩 已經忍夠我成日cut線 想分手 …… 我應該點算 我只係想要安慰 我知我咁樣即係容忍壞人 但個個情況下我做既真係錯曬咩 打擊既事接二連三 我真係吾知點做
LikeSadHaha
276
82 comments