求助！有恐怖鄰居成日喺門口講要我啲身體器官
約2,3個月前先簽左份一年租約，
呢個鄰居一開始相處好地地，
但就唔沖涼，
一經過走廊都係佢陣味，
有一排我路過需要閉氣嘅程度。
12月尾我臨出發機場飛去旅行，
佢突然喺我門口用喺成條走廊都聽得到嘅聲量講：
「多謝X小姐，多謝你對眼，多謝你2公升嘅血」
X係我嘅姓，我唔知點解佢知我姓乜，
我嚇到原地呆住，
接下來旅行一諗到佢咁講就打晒冷震。
返左黎之後喺屋企樓下撞過一次。
今日我瞓到快醒嘅時候，
朦朧間聽到佢又喺我門口講我地上次撞到嘅地點，
再聽到句好清晰嘅：
「我唔止要你對眼，我仲要埋你一個腎。啊唔係，我要你兩個腎，因為人嘅腎臟有2邊」
我錄低左佢最後嗰幾句說話。
宜家可以點算？搬又搬唔到，
租約已經簽左兩年，
而且以我對業主嘅了解，
佢大多都唔會點理。
我判斷唔到佢係精神有問題定真係想咁做，
而我又獨居，
真係有啲唔知點算好，
報警又驚得段錄音證明唔到咩兼佢秋後
