返工返咗四個鐘就俾人炒

香港知專設計學院
事源係咁嘅,我就讀左一年大專,上年九月返左幾日發覺讀書真係唔太啱我,啲嘢又跟唔到(因為一開學已經走左堂),加上開學前發生左好多事令我好攰,所以休左學,休息左排就打算返全職,咁我前排見過幾份工都冇消息,直到上個禮拜見嗰份美容客服就即時比左offer我,佢安排我今個禮拜一尼多次寫字樓簽約,簽完再去舖頭返去,本來我超開心終於有工請🥹 去到今個禮拜一,我簽完約就去左返工,咁一去到舖頭好似都幾忙,個主管都唔得閒教我咁,佢就叫我入房睇下啲操作電腦嘅片,又話電腦啲野我唔洗做住,我暫時都係斟下水比人,電腦啲野遲啲先做。跟住呢啲片校到最大聲都係細聲到聽唔到,我每同一條片都要重睇多一兩次。睇完片出尼都係叫下啲技師帶我睇下房,執房點執,但有個技師都同我講我做前台(客服)其實都唔太洗做尼啲,只係見有客就斟下水招呼下佢地。 好啦睇完房出到尼,前台又冇咩位坐,我傻99企左陣先有個位可以坐,坐左喺度就有個員工叫我數booking再mark係個表到,張booking紙我又睇到眼花花,睇左段時間先知點做,咁數完booking, 啲人有時見到客就叫我去斟水比人,咁叫左幾次我都開始識做啦,但佢地都係一有客就叫我斟,咁唔係我唔斟,係你地要叫我做姐,咁喺間舖過左3-4個鐘(我唔當自己工作緊,因為我唔知自己做緊乜,我expect嘅係有個人教我做嘢,比我跟住,佢叫我做咩我就做咩,但嗰幾個鐘啲人好似都好忙有嘢跟緊咁,除咗有一分鐘教咗我點樣數Booking之外,其他時間都係佢哋想要咩File就叫我拎下,同埋叫我斟水俾客人)係啦,講返過咗三四個鐘,個主管同另一個大粒嘢叫我入房,問我平時係咪都怕羞,我話少少啦,但係最主要係我今日第一日返仲要得幾個鐘,我都仲未熟悉環境…跟住入到房張枱有張紙,係解僱我嘅紙嚟嘅,佢哋話留意咗我幾個鐘,見到我唔係咁主動,所以就要我簽完走,我係呆咗嘅,試用咗幾個鐘就話唔要我…真係唔知講咩好,究竟呢件事上面係佢哋問題定係我問題🫠 補充番:我喺moovup 搵到呢份工, 佢話月薪18,000,我係見工嗰日先知原來$18000係俾啲有經驗嘅,我呢啲毫無經驗嘅最多都係$14000,入面仲要有$2000係勤工獎,咁我諗住既然我而家個價都只係得$14000,要求應該都唔係好高?但係就咁樣俾人趕走咗,我仲要返親都係服務行業part-time,斷斷續續都已經返咗兩年,自問都唔係嗰啲慢手慢腳咩都唔識嘅人…我仲要其實識得斟水比客只係咁啱同事又叫到我啫…所以就好不忿囉…
LikeHahaWow
170
66 comments