被魚腥味糾纏嘅我…

香港中文大學
因為真係對我影響好大…😔所以想開po講下 細個都會成日去街市買餸,有同學屋企人開魚檔,即使覺得難聞,都叫做習慣啲腥味 咁疫情後+中過肺炎,我唔知點解自己好似對氣味敏感咗好多?個鼻好靈敏?🫤咁我都唔care啦 直至前排搭巴士去揾男朋友,巴士原本冇人,有個阿婆一上車就直接要我坐入去(雙人位,唔係面對面嗰啲) 本身都覺得奇奇怪怪,但下一秒即刻聞到濃烈嘅魚腥味,腐爛味??係好誇張嘅嗰種🥲 但望佢外表好乾淨,我就喺度諗應該賣魚收工…?(當時七點幾八點) 個阿婆全程望住我(whyyyyyyy!???????),我唔想俾人見到我表情變化,因為都唔想人哋因為我嘅表情而受傷,所以我扮望窗外並努力閉氣。 而阿婆好似不停想貼住我坐咁(佢keep住挨近),根據經驗,我件衫一定會沾染上呢種味道🙏🏻所以我都儘量縮埋一舊,畢竟我要同男朋友約會啊… 好彩車程十幾分鐘我就落車,我用跑嘅速度直接走咗 之後大獲了,我靠近阿婆嘅嗰一半嘅身體,全部沾染上腐臭味,我見到男朋友都未開聲,佢已經即刻聞到:痴線勁誇張!真係得呢邊先會臭,另外一邊香!(我搭🚗嗰陣已經wts咗佢,大概講咗一下) 嗰日搞到我勁驚有人靠近我 /聞到個味😞 諗住翻屋企洗乾淨全身+衣物會好啲啦 唔知係有陰影定咩,我而家搭巴士成日會聞到魚腥味,頭先翻到屋企嗰層,更聞到成層都係濃烈魚生味😞😞😞 我每日都換洗衫,衣櫃裏面有除臭嘅,由細到大都俾好多人讚香😞😞😞但我而家有時覺得自己嗰一半身體都散發出魚腥味,我房都有腐爛味…去到邊都會聞到淡淡嘅腐爛味,問曬身邊所有人,佢哋幫手聞都話冇事… 我真係唔知係咩問題😭😭😭😭
sticker
LikeHahaSad
83
18 comments