今日先知老母十六歲就生咗我
事源係噉嘅，由細到大老母都好隱瞞自己幾多歲，所以我由細到大都唔知佢幾歲，甚至連生日都唔知道係幾時。
雖然係噉，但係我同我父母感情都好好，爸爸話佢係喺中學舞會識媽媽，然後就結婚生咗我大佬。
我哋全家有英國籍，老豆原本係當差，後來又做咗公司總經理，日子都過得唔錯。只不過間公司人見人憎噉（出咗名黑心公司嚟）。
直到尋日先發現，原來媽媽1961年5月18號出世，而我爸爸就係1957年出世，雖然相差得4年，但係，我最大個哥哥1977年出世，即係佢16歲就生咗我大佬。換句話講即係老豆原來衰十一。當年因為未有衰十一呢條例所以先唔使坐。
忽然間覺得老豆同個細路女講，你大個咗吹樂器一定好叻有啲心寒。
