HA醫院繳費處咁講…
香港浸會大學
想稍微呻一呻,話說之前喺HA醫院睇骨科,之後同保險公司索償診金同藥費,保險公司話醫院俾我嗰張EPS藍色收據唔係正式收據,所以只係賠診金,就唔賠藥費。
覆診嗰日我問咗繳費處確認EPS嗰張藍色收據係咪正式收據,個職員話係,有銀碼、日期、收據編號。但保險公司話佢哋要收據中寫明藥費幾多(如圖所示),唔係EPS嗰張收據(如圖所示)。我打去醫院繳費處電話再問,第一次都係話藍色嗰張已經係收據,請保險公司打過去核實多一次,就話醫院有收據係藍色一張A4紙(申請醫療記錄複本嗰種),但唔係EPS嗰張藍色存根。
我第二次再打去醫院繳費處度問,佢哋就話藥費唔會出藍色A4紙,正式收據係一張白色寫明藥費銀碼嗰張先係,即係保險公司講嗰種。
雖然$60唔係多嘅錢,不過我嗰日係因為保險有得賠,先特登去拎藥(都係嗰啲止痛藥,攞嚟都只係看門口)。離開醫院之前已經留意到EPS藍色存根冇標明藥費,拎住一袋二袋重嘅嘢,捱住筋骨痛返去醫院繳費處問多次手上嗰張係咪正式收據。
明明係繳費處啲職員混亂,結果claim唔番。聽電話個繳費處職員話呢家補收據要用二百幾蚊申請,叫我下次核實清楚,過咗一段時間,依家口同鼻拗。(🙄喂我核實咗,你哋都可以比漏收據我,咁點?)





