咁樣的小便宜 你會唔會貪?

話說頭先搭巴士 八達通機壞壞地 所以個司機reboot返部嘢 咁但係到咗要開車嘅時間 所以佢同所有乘客講 「八達通機壞壞哋 落車再拍返就好」 所以基本上成車人都冇人拍八達通 使到成個路段嘅一半 八達通機用得 所以車上大約有一半人冇拍 一半人拍咗 一時興起 八卦睇吓大家落車會唔會拍返 排隊嘅時候有望過吓大約有啲咩人 都記得10個鬆 然而當落車嘅時候 大約得三四個拍返八達通 一類人係因為有人上車 行返前面拍八達通好麻煩 就中途放棄 一類人係直接落車 最後一類人就係等啲人上晒車再衝去前面八達通再前面落 坦白講我自己都有一刻諗過唔拍 但係即刻同返自己講無謂為嗰幾蚊去呃自己又呃人 再加上本來上車就係要俾錢㗎啦 咁樣諗完之後 到我落車俾錢 個司機好有笑容咁講「唔該」 我覺得我好慶幸自己冇做錯 我諗貪小便宜嘅想法 大家都會有 但係能唔能夠堅守本心 能唔能夠做到不愧對自己 就係另一回事 咁想問大家 咁樣嘅小便宜 你會貪嗎?
17%
唔會
83%
1239 votesPoll is closed
Like
95
24 comments