喺街邊被「社工」鬧我虐兒
香港科技專上書院
長文慎入🙏🏻
事源我前兩日同媽咪帶埋仔仔去花墟買花，
入到一間花鋪，仔仔喺bb車自己跑咗落嚟，
我第一時間抱起佢，並且口頭警告仔仔唔可以亂跑，
其後抱起佢期間，我睇梗一個架上面既花，
仔仔歲半仲係好多手，所以佢伸手拍啲葉，
我第一時間亦都有阻止並且口頭話咗阿仔，
後面阿仔都仍然多手拍啲葉，因為阿仔仲未識控制力度，
所以都怕佢大力得制拍掉盆花，因此我媽咪就打咗一下佢手背，話唔可以咁樣，會打爛盆花。
然後有一位自稱「社工」嘅女人跑埋嚟，
鬧我地，佢話唔可以打小朋友，咁樣係虐兒。
當下我阿媽冇理佢，但係我見佢一直重複，我就問佢關你咩事，佢話佢係社工，我地咁樣係虐兒。
我地第一反應都冇理佢，行走咗，其後社工一直後隨我地。
我媽咪就話唔洗再跟住望住我地啦。
佢大聲鬧我地話我地虐兒，我媽咪就建議佢報警。
點知佢就話咁大聲「啪一聲」都唔叫虐兒？
當時情況小朋友手背冇紅冇受傷亦都冇喊，
我地日常最多都系打小朋友手掌手背，
一直以嚟唔會採取更激烈或者打佢既行動，
因為小朋友比較百厭唔太怕惡，所以我地都會用打手仔既情況話比佢知咩情況係可以，咩情況係唔得。
梗住我就火都嚟埋，講到我系長期虐待兒童咁。
我話小朋友咁樣冇紅冇喊，姐係佢都唔算痛，點樣為之虐兒？再加上咁既情況唔需要阻止？
社工話你打爛咗咪賠囉，再唔係抱佢出去。
（咁既話都幾唔負責任，任由小朋友打爛，一係我就唔好出街買嘢，下下都抱走小朋友離開店鋪）
我當下冇諗咁多去反駁佢，因為個腦load唔到咁快，
我只係強調咁樣唔叫虐兒，如果以咁既情況之下斷定虐兒，請問High Five係唔係都叫虐兒？
佢笑一笑就反駁唔到我，我地就離開咗。
佢似係啲精神有點失常既狀態，
加上我地抱住小朋友都唔想嘈落去。
但是越諗就越嬲！
