有無人唔係幾中意自己屋企人

香港教育大學
由細到大 唔係幾中意屋企人 唔係憎 但佢地啲行為好難理解 屋企人唔比打機 睇電視 老豆會問:睇2嗰鐘電視 學到啲乜 點解唔用2嗰鐘去睇書 學習?到大嗰發現 好多電視 漫畫 動漫嘅童年回憶 同齡人講得出嘅 我全部唔識 阿媽以前好中意用衣架打我 唔知呢啲算唔算虐兒 係打到成身瘀晒 因為佢聽完嗰朋友話 細佬仔係要打完先聽話 先肯改 點知佢真係打埋一份 以前唔鍾意影相 一路唔知點解 後尾其實發現 因為細個每次影相 都係阿媽拎住電話同我講:睇吓你個衰樣 講兩句就咁 影低比你慢慢睇 細個嗰陣屋企人問我以後想做咩 我答運動員 老竇同我講 運動員冇前途㗎 職業生涯去到30歲 又搵唔到錢 大個先知老竇係井底之蛙 其實運動員退役可以做教練 體育老師 屋企唔算窮 唔算細 但由細到大都冇書枱 間房亦有位擺 但屋企人話做功課喺飯枱做就得 真係好想問返屋企人 瞓覺瞓梳化都得 點解要買張床? 冇書枱都算 曾經同阿哥 只可以瞓梳化 老竇老母瞓床 但其實有多間房 絕對可以擺碌架床比我同阿哥瞓 屋企人唔肯俾錢買 嗰幾年真係好辛苦 因為梳化係皮 夏天出汗黐立立 完全瞓唔到 最後訓到肱骨前移 屋企人話係我自己問題 去到大學 阿哥為咗減輕屋企人負擔 自己比學費 得瞓覺先喺屋企 學生嚟講 佢係搵到錢 pt份人工仲高過人地fg 但好快身體就出事 屋企人唔內疚 仲同我講學費 生活費要自己比 最後哥幫手供埋樓 阿媽同我講 以後返工 最少15000家用 我話俾唔到咁多 問返阿媽俾幾錢家用婆婆 佢唔肯講 因為我知道個數字係好少 越大越唔明點解屋企人當初會生仔 生仔真係要考牌 養大兩個小朋友 真係要洗唔少錢 屋企人完全唔肯使錢 都唔緊要 唔好生 自己揸住嚿錢 都可以過到好好嘅生活 但又要學人生仔 佢哋就係為咗 第時我哋比家用 唔好話生仔教小朋友 屋企人連同人相處都唔係好識 呢20幾年真係好辛苦 最後奉勸大家 以下人唔好生仔 冇耐性 唔識教 冇錢 自私
LikeSad
126
21 comments