其實可唔可以唔好周街傳教

香港科技大學

一開始呃人話佢做緊個presentation要人幫手評分，好啦咁我以為係某啲學業上嘅requirements，咪聽下囉。一開始就話咩地球飄浮，水循環，睇唔到但存在嘅嘢之類。然後就開始傳教，用聖經條文去prove聖經正確，source係聖經，經典循環論證。我問聖經有無可能係被修改過，佢又顧左右而言他，話係有考古學證明石器時代青銅器時代已經有記載（同聖經有無被人修改過有咩關係......），所以聖經係神嘅言語，聖經係正確。我又問點解要信基督教，佢又用返聖經條文答我，到呢到我已經唔想理佢。到最後又話咩佢地唔係傳教，只係做presentation，無逼人地信。返去同friend一傾，屌，原來佢都遇過話語一樣嘅人，啫係由一開始佢地就係呃人。奉勸大家遇到話要同你present嘅人都係早走早著，唔係嘅話就浪費你半個鐘，等我重好心以為係有人趕緊FYP/T所以先停低聽。我想講你越傳其實我越唔想了解，不如收手啦。