父母完全冇理財概念真係好乞人憎😡
香港大學
原本冇諗住開post但係最近越諗越唔開心，所以想打個post出嚟呻吓😡😡。小弟父母都係白領。收入上我覺得可以稱自己做中產，但係資產上可以話係窮人。母親係做HR，父親做supply chain ，兩人現時收入分別為 6.5萬及13.5萬。 前年買咗康城用約1100萬嘅三房單位。由於早年父母鍾意住大屋，所以一直租緊樓，每個月租樓同埋停車場費用起碼用咗五萬蚊，直至早幾年先至覺得要有物業揸手先至心安理得。問題係佢哋去到50幾歲先買樓，最近呢幾年加咗利息，話預咗我要幫手供幾十萬。然後佢哋只有現金儲蓄二十萬，一蚊股票，基金都冇。所以話退休會入不敷支，預咗我每個月比至少二萬蚊家用。我已經fact check 過，基本肯定佢哋講嘅係真實狀況，如果唔係都唔會唔俾錢我去Edinburgh 讀 vet 。我真係好想讀，但係佢哋話俾唔起😮💨
個矛盾嘅位係，由細到大佢都比好多物質生活，每年都去兩三次旅行（歐洲嗰啲），又俾我學好多興趣班，平時都有靚車出入80幾萬買入（Porsche Panamera) 。一直我係以為屋企迎刃有餘先至咁大洗，原來唔係，所有嘢都係要還。隨着我年紀長大，父母開始陰啲陰啲咁講，我哋退休靠你養啦，話晒我地都俾咗咁多錢栽培你，又比咁好嘅環境你。我知咁講作為仔女可能自私，但係我細細個點知佢哋係充大頭鬼，冇咁多錢就唔好咁大洗同埋好心有能力早啲買樓啦。
我真係唔明，一個屋企一年搵250萬，剩係得一層樓都仲可以有幾百萬嘅房債未供完，仔女想去外國讀書俾唔起，退休仲要冇乜養老金，其實佢哋咁樣嘅理財方式點樣做到公司senior ？😓
